Денсаулық
CALL-ОРТАЛЫҚТЫҢ КӨМЕГІ КӨП
Денсаулық сақтау саласы әлеуметпен тікелей байланысты болғандықтан арыз-шағым болмай тұрмайды. Осыны ескерген қала әкімдігі елордадағы №10 қалалық емхана базасында бірыңғай ақпараттық медициналық Call-орталықты іске қосуды жоспарлап отыр.
«Смарт-Астана» жобасы шеңберінде жүзеге асырылатын қызметтің елордалықтарға көмегі көп болмақ. Кез келген тұрғын осы орталыққа хабарласып, көкейіндегі сауалын қоя алады немесе қандай да бір ұсыныс-тілегі болса, жеткізе алады. Cаll-орталыққа келіп түскен арыз-шағымдардың ешқайсысы ескерусіз қалмайды. Арнайы комиссия құрылып, мәселе дер кезінде шешілетін болады.
Денсаулық сақтау басқармасының мәліметі бойынша, егер компьютерлік және инновациялық бағдарламалар дер кезінде жасалып бітсе, онда ақпараттық медициналық орталық биылғы жарты жылдың ішінде іске қосылмақ.