«Demalys Promenade» саябағында қала күніне орай «Keruen Fest» ұйымдастырылды. Қазақ халқының дәстүрін зерделеу мақсатында ұйымдастырылған іс-шара түрлі бағдарламаларды қамтыды.
[smartslider3 slider=3439]
Күні бойы елорда тұрғындары мен қонақтары қолөнер бойынша шеберлік сағатына қатысты. Сондай-ақ бұйымдар жәрмеңкесі, айтыс додасы, аквагрим, танымдық кездесулер, ұлттық ойындар өткізілді. Көше ортасына киіз үй құрылды. Келушілер киіз үйдің ішкі бұйымдарын көріп, ұлттық киімдерді киіп, суретке түсті. Кешкісін қазақстандық эстрада жұлдыздарының қатысуымен мерекелік концерт өтті.
