ЭКСПО-2017 Халықаралық мамандандырылған көрмесінің жаңа логотипіне дауыс беру аяқталды.
Қазақстандықтардың таңдауына жеті түрлі логотип ұсынылған. Дауыс беруге 10 мыңнан астам адам қатысты. Facebook, VK, Twitter әлеуметтік желілерінде пайдаланушылар арнайы дауыс беру парақшаларын ашқан. Логотиптің жаңа нұсқалары ақпарат агенттіктері мен жаңалықтар порталдарында қызу талқыланды. Дауыс беру қорытындысы бойынша, екі логотип іріктелді. Олар 2013 жылы 26 шілдеде мемлекеттік комиссияның отырысында қаралады. Үздік деп танылған «Жасыл энергия» логотипі 3088 дауыс жинады, ал екінші орындағы – «Жел энергиясы» логотипіне 2594 адам өз дауысын берген. Келешекте «Жасыл энергия» логотипі Астананы барша әлемге танымал етпек.
Еркежан СӘТІМБЕК
