Францияда өтіп жатқан Гран-Приде Қазақстандық мәнерлеп сырғанаушы Денис Тен күміс медаль иеленді.
Қазақстандық тұғырға екінші болып 296,26 ұпаймен көтерілді. Оның 89,21 ұпайын қысқа бағдарламада, қалған 180,05 ұпайын еркін бағдарламада жинады.
Алтын алған испаниялық Хавьер Эрнандестің еншісінде – 285,38 ұпай. Ал қолаға АҚШ спортшысы Адам Риппон 267,53 көрсеткішімен қол жеткізді.
– Жылы сөзімен дем беріп, құттықтаған баршаңызға рахмет. Мен бүгін мұз олимпіне оралу үшін алғашқы қадам жасадым. Бұл – менің жігерлі, еңбекқор, бабыма келуім үшін барын салған командамның еңбегі. Енді бағытым айқын болғандықтан, жақсы жаңалықтарыммен қауышуға тырысамын, – деп Денис Тен өзінің Инстаграмдағы парақшасында қолдаушыларына алғыс жаудырды.
