Достық дәнекерi
Қытай Халық Республикасы мен Қазақстанның ынтымақтастық қарым-қатынас орнатқанына биыл жиырма жыл толып отыр. Осыған орай Еуразия ұлттық университетiнде екi елдiң мәдени болмысын айшықтаған шара өттi.
Шығыстағы көршiмiз – ел тәуелсiздiгiн алғаш мойындаған мемлекеттердiң бiрi. Екi елдiң экономикалық, саяси-мәдени байланысы соңғы жиырма жылда жаңа қырынан көрiнiс тауып отыр. Қос мемлекеттiң ортақ тiл табысып, ынтымақтастық қарым-қатынасының жандануына екi ел басшыларының да қосып отырған үлесi қомақты. Осы орайда, өткен жылғы Қытай Халық Республикасының төрағасы Ху Цзиньтаоның Қазақстанға арнайы сапарын атап өту қажет.
Аталмыш жиынға Қытайдың Қазақстандағы Төтенше және өкiлеттi елшiсi Чжоу Ли, белгiлi тарихшылар мен саясаттанушылар қатысты. Екi ел достығының тағы бiр куәсi аталмыш бiлiм ордасындағы Қытай тiлi кафедрасының ашылғанына биыл бiр жыл толыпты.