ДҮЙСЕКЕЕВТІҢ ДУМАНЫ
Биылғы тойдың басты ерекшелігі сол, өзіміздің өнерпаздар көпшілік көңілін көтереді дегенбіз. Мәне, 2 шілдеде Конгресс-холл сарайында композитор, Қазақстанның еңбек сіңірген өнер қайраткері Кеңес Дүйсекеевтің «Алтын бесік – Астана» атты авторлық кеші өтпек.
Шара қонақ ретінде Нұрлан Өнербаев, Роза Рымбаева, Ерік Жолжақсынов, Нағима Есқалиева, Маржан Арапбаева, Майра Дәулетбақова, Жұбаныш Жексенұлы, Қыдырәлі Болманов, Әлішер Каримов, Мәдина Сәдуақасова, Жеңіс Ысқақова, Ақжол Мейірбеков, Айжан Нұрмағамбетова, «Дабыл» тобы сынды дүлдүлдер шақырылып отыр.
Көрерменнің сүйікті әртістерінің орындауында Ерболат Ахмедьяров жетекшілік ететін симфониялық оркестрдің сүймелдеуімен «Қайда жүрдiң», «Еркеледiң сен», «Алматым», «Өкінбе сен», «Асыл ана», «Ғашықтар жыры», «Туған жер», «Алғашқы махаббат», «Қарағым-ай», «Махаббат сыры», «Алтын бесiк – Астана» секілді көптеген әндер шырқалады.
Кеңес Дүйсекеев – өнерсүйер қауым арасында кеңінен танылған көптеген музыкалық шығармалардың авторы. Ол бірнеше фильм мен театр қойылымдарына да музыка жазған. Қазір профессор К.Дүйсекеев Қазақ ұлттық өнер университетінде дәріс оқиды.
Асхат Райқұл