ЕКІ ҚОЛҒА БІР ЖҰМЫС
Астана қалалық Жұмыспен қамту орталығына жүгінгендердің 74,3 пайызы жұмыспен қамтылды.
Биылғы жылдың басынан бері Жұмыспен қамту орталығына 5748 адам жұмыс іздеп келген. Олардың 2858-і – жұмысқа орналастырылды.
Соның ішінде 100 адам – қоғамдық жұмыс орындарына, 254-і жастар практикасына жіберілді. Қоғамдық жұмыстарға барлығы 1 мыңдай азамат тартылды. Кәсіптік даярлау, қайта даярлау және біліктілігін арттыру курстарында 414 адам оқып жүр.
Жұмыссыздықтан әлеуметтік қорғау шаралары – еліміздегі әлеуметтік саясаттың бір бөлігі. Осы бағдарламаның негізгі тірегі – жұртшылықты жұмыспен қамту және қайта мамандандыру. Оны іске асыруға мемлекет және жеке кәсіпкерлер қатысады.
Айта кететін жайт, тек «Жұмыспен қамту жол картасы – 2020» бағдарламасы шеңберінде ағымдағы жылы Астана қаласында балабақшалар, мектептер, ауруханалар сияқты 55 қоғамдық нысан жөндеуден өткізілмек. Осыған сәйкес 550-ден астам жаңа жұмыс орны құрылады.
Ботагөз МАРАТҚЫЗЫ