Алдағы 2015 жыл Ұлы Отан соғысындағы Жеңістің 70 жылдығы және ТМД елдерінде Ардагерлер жылы болып аталып өтілмек.
Қазақстан Республикасының Президенті Нұрсұлтан Назарбаев бүкіл еліміз бойынша Жаңа жыл қарсаңында, атап айтқанда, 26 желтоқсан мен 30 желтоқсан аралығында Ұлы Отан соғысының ардагерлерін қолдау жөніндегі жалпыұлттық бірегей акция өткізу бастамасын жариялаған болатын. Осыған орай республикамызда тұратын 5115 соғыс ардагерінің әрқайсысына облыс, қала және аудан әкімдері арнайы барып құттықтап, Мемлекет басшысы атынан жаңажылдық сыйлықтар тапсырды.
Сонымен қатар, Қазақстан Президентінің тапсырмасымен Ұлы Отан соғысындағы Жеңістің 70 жылдығын мерекелеу жөніндегі арнаулы іс-шаралар жоспары бекітілді. 2015 жылғы 7 мамыр – Отан қорғаушылар күні Мемлекет басшысының қатысуымен мерейтойлық салтанатты әскери шеру өткізу жоспарлануда.
