Жаңалықтар
ЕЛБАСЫ МОНАКО КНЯЗДІГІНЕ БАРАДЫ
25-28 қыркүйек күндері Елбасы Нұрсұлтан Назарбаев князь ІІ Альбердің шақыруымен Монако князьдігіне ресми іссапармен барады. Екі жақты ынтымақтастықты нығайтуға бағытталған сапар аясында елдердің қаржылық-банктік және көлік, кұрылыс, медицина, агроөнеркәсіп салаларындағы мүмкіншіліктері сараланатын Қазақстан – Монако бірлескен бизнес форумы ұйымдастырылады. Бұл жөнінде және осы аптадағы өзге де саяси жаңалықтар туралы кеше ҚР Президенті жанындағы Орталық коммуникациялар қызметінде өткен дәстүрлі брифинг барысында ОКҚ ресми өкілі Алтай Әбибуллаев хабарлады.