Астанада басталған әлем чемпионатының алғашқы күні бірінші чемпионның құрметіне Қазақстан әнұраны шырқалды. Байрақты бәсекеде 60 келі салмақта сынға түскен қазақтың қос балуаны финалға шықты. Алтын медаль иегері – Елдос Сметов, күміс жүлдегер – Рүстем Ибраев.
Елдос жартылай финалда Оңтүстік Корея балуаны Ким Вон Чжинді, ал Рүстем болса Жапония дзюдошысы Тору Сисимені тізе бүктірді.
Елдос Сметов – дзюдо күресінен әлем чемпионы атағын жеңіп алған екінші қазақстандық спортшы болып отыр. Осыған дейін 2009 жылы Максим Раков әлем біріншілігінің жеңімпазы болған.
Жеңіс құтты болсын, жанкүйер қауым, демекпіз.
