Қазақстанда тұмауға қарсы «ГРИППОЛ+» екпесі сатып алынды. Бұл туралы ҚР Денсаулық сақтау министрлігінің Санитариялық-эпидемиологиялық бақылау комитеті мәлім етті, деп хабарлайды astana-akshamy.kz
«2024 жылғы 16 тамыздағы №7 қаулыға сәйкес, елімізде тұмауға қарсы вакцина егу биылғы 15 қыркүйектен басталады. Вакцинациялау үшін «ГРИППОЛ+» екпесі қолданылады, өндіруші – Ресей Федерациясы», – делінген министрліктің Kazinform агенттігіне берген жауабында.
«СҚ-Фармация» ЖШС мәліметіне қарағанда, 2024 жылға 2 025 752 тұмауға қарсы вакцинаның көлемі сатып алынды, сондай-ақ 182 000 доза көлемінде қосымша тапсырыс берілді.
Айта кетейік, күз – иммунитеттің әлсіреп, жұқпалы инфекциялардың өршитін мезгілі. Сондықтан, дәрігерлер бұл маусымда ағзаға ерекше күтім қажет екенін үнемі айтып жүреді.
