Матрешка мен Пеппа Пигті әуеге ұшыру үшін мұхит асып, 7518 шақырым жол жүріп, сонау Палаудан Астанаға жеткен Гильерме мырзамен таныстық бүгін. Ол – елордада өтіп жатқан Халықаралық кайт фестивалінің құрметті қонағы.
«Астана аспаны» деп аталатын дәстүрлі шара биыл үшінші жыл қатарынан ұйымдастырылды. Қалалық әкімдіктің қолдауымен іске асқан ерекше фестивальге өз қыз-жігіттерімізбен қатар Ұлыбритания, Бразилия, Германия, Франция, Испания және Ресей елдерінің өкілдері де қатысуда. Батпырауық ұшыруды хоббиіне айналдырған азаматтарға бәрінен бұрын бас шаһардың желді ауа райы мен кең даласы ұнапты.
Ботагөз МАРАТҚЫЗЫ
