Екі таныс адамның арасында кикілжің туындап, бірі екіншісін атып тастаған. Оқыс оқиғаны қалалық полиция департаменті растады, деп хабарлайды astana-akshamy.kz
– Адам өлімі фактісі бойынша қылмыстық іс қозғалды. Күдікті ұсталып, қамауға алынды және қаруы тәркіленді. Алдын ала мәлімет бойынша, таныс адамдар арасында жанжал болған. Кейін бірі екіншісінің басына оқ атқан, – делінген хабарламада.
Қазір оқиғаның мән-жайын анықтау мақсатында тергеу амалдары жүріп жатыр.
– Жалған ақпарат таратқаны үшін жауапкершілік қарастырылғанын ескертеміз. Азаматтарды тек ресми дерек көзіне сенуге шақырамыз, – деп ескертеді елорданың полиция қызметі.
Еске сала кетсек, жыл басында елордада 19 жастағы жігіт атылып қалған еді.
Сондай-ақ туыстарын пышақтап тастаған Астана тұрғыны туралы жазған болатынбыз.
Айта кетейік, елордалық полицей жаттығу залынан шыққаннан кейін есінен танып, сол жерде қайтыс болды.
