Елордада қазақ күресінен «Дала қырандары» турнирі жеңімпаздары анықталды

Елордада қазақ күресінен «Дала қырандары» турнирі мәресіне жетті, деп хабарлайды astana-akshamy.kz

Жақсылық Үшкемпіров атындағы жекпе-жек сарайында жалауын көтерген турнирде 8 салмақ бойынша жүлделер сарапқа салынды.

Аталған турнирге қатысатын балуандар еліміздің басты рейтингтік жарыстарында іріктелді.

Олардың арасынан ең жоғары ұпай жинап іріктелген 64 балуан боз кілемге шықты.

Жарысқа қазақстандық белгілі балуандар қатысты. Олардың қатарында әлем чемпионаты және өзге де халықаралық жарыстарда жеңімпаз атанған Бекжан Төлепов, Жұмажан Қожамбеков, Ерсұлтан Мұзаппаров, Алтынбек Аусағитов, Нұрдәулет Жарылғапов және Ерасыл Қажыбаев бар.

Аталған турнир жеңімпаздары төмендегіше:

55 келі: Руслан Теміржан (Қызылорда облысы)
60 келі: Нұрлыхан Мұханбетов (Ақтөбе облысы)
66 келі: Ержан Еренқайыпов (Астана қаласы)
74 келі: Бибарыс Тұрғанбекұлы (Ақтөбе облысы)
82 келі: Нұрдаулет Бақтыбайұлы (Шымкент қаласы)
90 келі: Ерасыл Жаңатаев (Алматы облысы)
100 келі: Ерсұлтан Мұзаппаров (Шымкент қаласы)
100 келіден жоғары: Қайсар Шамшидинов (Түркістан облысы).

Осыған дейін Астанада қазақ күресінен «Дала қырандары» турнирі басталғанын жазған едік.