ЛОНДОН. Ағылшын зерттеу институтының қызметкерлері балмұздақ арқылы күйзеліспен күресуге және адамның көңіл күйін көтеруге болатынына сендіруде.
Ғалымдар сынаққа қатысқандарға балмұздақ жегізіп, магниттік-резонанстық томография көмегімен олардың миының әрекетін зерттегеннен кейін осындай тұжырым жасаған.
ЭР-РИЯД. Қажылық парызын өтеу үшін Сауд Арабиясына 800 мыңдай адам келіп үлгерді.
Мұнда қажыларға қызмет көрсету үшін 40 мыңдай адам жұмылдырылған. Ханзада Мұхаммед ибн бин Әбді Әзиз атындағы әуежайға жұма күні қажылар мінген 96-дан аса ұшақ қонған. Ал, Жиддадағы әуежай күн сайын 100-ден аса рейсті қабылдайтын көрінеді.
АМСТЕРДАМ. Нидерланды ғалымдары көк шай ішкеннен адам миының қызметі жақсарады деп отыр. Голландия ғалымдары жүргізген мұндай зерттеу сынағына 44 адам өз еркімен қатысқан. Содан кейін «көк шай ішкен ер адамдар ақпаратты жақсы қабылдап, есте сақтау қабілеті артады» деген қорытынды шығарылды.
КИНГСТОН. Ямайкада полиция қызметкерлері жергілікті елді мекендегі автокөлікті штаттық тексеру кезінде бір тоннаға жуық марихуана тәркіледі. Тоқтатылған олардың біреуі ғана қамауға алынды.
