Елордалық еріктілер қар тазалау акциясын қолдады, деп хабарлайды astana-akshamy.kz
Аудан әкімдігімен мұқтаж жандарға жан-жақты көмек көрсетіледі. Мысалы, қысқы кезеңде жалғызбасты қарт адамдар мен көп балалы аналардың аулаларында қар тазалау бойынша акциялар үнемі өткізіліп тұрады.
Осындай акциялардың бірін бүгін Үркер тұрғын алабының тұрғыны, 9 бала тәрбиелеп отырған Гүлім Рахметованың үйінде ұйымдастырды. Кәсіптік-техникалық колледж студенттерінің арасынан шыққан еріктілер ауланы қардан тазартып, көмірді жинап кіргізуге көмектесті.
Көмекке мұқтаж адамдарға қамқорлық жасау – бұл ортақ жауапкершілік және әр адас өз үлесін қоса алады. Аудан әкімдігі мұндай акцияларды апта сайын өткізеді және барлық ниет білдірушілерді еріктілер ретінде қосылуға шақырады.
