Елордалық үлескерлердің үйі үздіктірмейді
Астана қаласы әкімінің бірінші орынбасары Сергей Хорошунның төрағалығымен үлестік қатысу мәселелері бойынша ведомствоаралық комиссияның кезекті отырысы өтті.
Жиында үлестік салаға байланысты өзекті мәселелер кеңірек қозғалды. Айталық, «АССМ-01» ЖШС нысаны бойынша компанияның бас директоры «Ақ Ерке-2» және «Алтын бұлақ» ТК құрылысын жалғастыру үшін қытайлық
инвесторлардан транштың түскенін жеткізді. Оның айтуынша, «Алтын бұлақ» ТК құрылысы 2017 жылдың ІІ тоқсанында, «Медина» тұрғын үй кешені алдағы 1 қазанға дейін, «Қорғалжын кварталы» 1 желтоқсанға дейін, «Ақ Ерке-2» 30 қазанға дейін аяқталмақ.
Сонымен бірге, құрылтайшының дер кезінде қаржыландырмауының салдарынан «Оберег» ЖШС-не тиесілі «Оберег» тұрғын үй кешенінің құрылысы баяу жүргізілуде. Жобалаушы компанияның мәліметінше, 1 қыркүйекке дейін инженерлік желілер бойынша жоба «Мемлекеттік сараптама» РМК қарауына ұсынылады.
Сондай-ақ, «Араби-1», Араби-2», «Самал» ТК-не («Квартиры НС» ЖШС) қатысты комиссияның көмегімен жаңа салушы-инвестор анықталды.
«Араби-1» тұрғын үй кешенінің 80 пайызы дайын. Комиссия мүшелері үлескерлерге «Араби-1» тұрғын үй кешені құрылысын бітіру және нысанды тапсыру үшін құрылған ТҚК пайдасына беру туралы сотқа талап-арыз беруді ұсынды.
Аталған комиссия жұмысының қорытындысы және оның ұсыныстары бойынша Астана қаласының әкімдігі «Территория комфорта-1» тұрғын үй кешенінің нысанын жобалауға рұқсат берді. Ал «Future Home Astana» тұрғын үй кешені және «Есіл ЭК» тұрғын үй кешені құрылысы жұмыс жобаларының сараптамасы болмағандықтан тоқтатылды. Қазіргі таңда оған қажетті сараптама келісімнен өткізілуде.
Комиссия отырысында қалада салынып жатқан әрбір құрылыс нысаны назардан тыс қалған жоқ. Жиында көтерілген мәселелердің барлығы комиссияның бақылауында болмақ.