Елорданың депутаттық корпусы №11 қалалық емханаға жаңа ғимарат бөлу мәселесін сәтті шешті.
Нұр-Сұлтан қаласы мәслихатының депутаттары елордадағы медициналық мекемелердің жұмыс барысымен танысуды жалғастыруда.
«Бұрын, әріптесім Динара Уразалинамен бірге медицина қызметкерлерінің жұмыс жағдайымен танысып, пациенттерді қандай жағдайда емдейтінін білдік. Балаларға қолжетімді медициналық көмекті ұйымдастыру үшін жағдайлардың болмауы, балалар бөлімшелерінің штаттық мамандармен (невропатолог, кардиолог, гинеколог) толық қамтылмағаны белгілі болды. Кейбір қызметтер бейімделмеген бөлмелерде жүзеге асырылды. Сонымен қатар, ескі ғимаратта 40 мыңнан астам адам медициналық көмек алады.
Бүгінде медициналық мекеме көшіп жатқан ғимарат жөндеуді қажет етеді. Бұдан кейін мұнда әкімшілік пен балалар мамандары, оның ішінде балалар гастроэнтеролог, хирург, травматолог, эндокринолог, ортопед, невропатолог, сондай-ақ баланың даму кабинеттері орналасады. Болашақта, мұнда тиісті заманауи және қауіпсіз жабдықтармен жабдықталған балалар ойын алаңы және ана мен бала бөлмесін ашу жоспарланған» деп жазды Нұр-Сұлтан қаласы мәслихатының хатшысы Ерлан Каналимов.
