Жаңалықтар
ЕҢ ҮЗДІКТЕР ТАҢДАЛДЫ
Кеше іріктеуші комиссия III Халықаралық «Astana Piano Passion» жас пианистер байқауының жартылай финалына шыққан 7-18 жас аралығындағы ең алғыр, талантты 30 үміткерді таңдап алды. Байқауға қатысуға барлығы 40 елден 120 өтініш түскен болатын.
– Әлбетте, байқауға қатысушылардың дайындық деңгейі жылдан-жылға артып келеді. Тіпті, қазылар алқасы мүшелеріне жүзден жүйрігін таңдау қиындай түсуде. Біз талантты жастардың ынтасы мен талабына өте ризамыз. Кім біледі, мүмкін осы жастардың арасында әлемдік деңгейдегі болашақ жұлдыздар да бар шығар, – дейді қазылар алқасының төрағасы Денис Мацуев.
Астанада 26 сәуірде байқау тыңдауы басталады. Осы уақыт ішінде қатысушылардың барлығы қарқынды түрде дайындалып, қазақстандық композиторлардың шығармаларын жаттауы тиіс. Бұл – байқаудың міндетті шарттарының бірі.