Ертең, 3 тамызда Шотландияның Глазго қаласында УЕФА-ның Чемпиондар лигасы турнирінің үшінші кезеңінің қарымта матчында жергілікті «Селтик» пен «Астана» кездеседі.
«Астана Арена» стадионында өткен бірінші ойында есеп 1:1 болған еді. Бұл матчта жеңіске жетуге де мүмкіндік болған-ақ еді. Есепті де астаналықтар бірінші ашып, тіптен бірнеше рет есепті еселеуге жақын болған. Алайда, белді қорғаушымыз Шомконың бір қателігі бар басымдықты жоққа шығарып кетті.
Дегенмен, «Астана» командасы Шотландияға жеңіске деген жігермен аттанды. Өйткені, бұл ойынның бәсі тым биік. Қай жеңгені Чемпиондар лигасының топтық турниріне түседі. Ал жеңілгені – Еуропа лигасы турниріне қатысады.
«Селтик» – «Астана» ойыны «Қазақстан» телеарнасынан тамыздың 3-інен 4-іне қараған түні сағат 00.45-те тікелей эфирден көрсетіледі.
Ғалым ҚОЖАБЕКОВ
