ЕСЕБІ ТҮЗУДІҢ ЕСЕСІ КЕТПЕЙДІ
Жақында «Думан» қонақ үй кешенінде «Қазақстан бухгалтерлері мен бухгалтерлік одағы» кәсіби бухгалтерлер ұйымы «Қазақстандағы есеп пен салық салудың қазіргі заманғы жағдайы» тақырыбында семинар өткізді.
Қаржылық қызмет нарығында он жылдан аса еңбек етіп келе жатқан ұйым кейінгі кезде әріптестерімен іс-тәжірибе алмасып, ой-пікір бөлісуді үрдіске айналдыруда. Міне, сол дәстүрді жалғастырып, ұжым еліміздің бухгалтерлері мен аудиторлары күні мерекесі қарсаңында семинар ұйымдастырып отыр.
Аталған іс-шараға республиканың шаруашылық субъектілерінің қаржы басшылары, арнаулы сертификаттары бар бухгалтерлер және Қазақстан Республикасы Қаржы министрлігінде тіркелген оқу орталықтарының басшылары қатысты.
Басқосуда кәсіби қаржылық есеп жүргізудегі бухгалтер қызметінің мәні мен маңызы, әлемдік кеңістікте қаржы есебін бірігіп жүргізу және бухгалтерлерді сертификаттаумен айналысатын арнаулы ұйымдардың қаржы есебі қызметкерлерінің кәсіби деңгейін көтеру мәселелері төңірегінде ой-пікірлер ортаға салынды.