Астанада өтетін Еуразиялық құрылтайға 8 елден келген әлеуметтік кәсіпкерлер қатысады, деп хабарлайды www.astana-akshamy.kz/
Осымен екінші рет ұйымдастырылып отырған Еуразиялық құрылтайға жалпы 600 адам тіркелген.
14-15 қараша күні елордада өтетін құрылтайда әлеуметтік топтағы мемлекеттік емес ұйымдар өкілдері мен еліміздің белсенді азаматтарына қандай мемлекеттік не халықаралық қолдау шаралары көрсетілетіні туралы толыққанды ақпарат беріледі.
Құрылтай барысында әртүрлі пленарлық отырыстар, бетке ұстар кәсіпкерлер тауарларының көрмесі өтеді. Форумға 600-ден астам қатысушы тіркелген.
Шетелдік қонақтар да шақырылған. 8 елден кәсіпкерлер мен сала мамандары келеді деп күтілуде. Іс-шараға Сенат төрағасы Мәулен Әшімбаев қатысады. Ұйымдастырушы ретінде тек Әлемдік инноваторлар қауымдастығы атынан 16 елден 104-ке жуық қатысушы болады.
