Ел тынысы

Франциямен кинематография саласында ынтымақтастық нығаяды

Қазақстан мен Франция кинематография саласында ынтымақтастықты нығайтады, деп хабарлайды astana-akshamy.kz.

Қазақстандағы Ұлттық киноны қолдау орталығы мен Францияның Ұлттық кинематография және анимация орталығы халықаралық Канн фестивалі аясында ынтымақтастық туралы меморандумға қол қойды. Маңызды қадам қос ел арасындағы мәдени қарым-қатынасты нығайтып, киноиндустрия саласын дамытуға бағытталған. Меморандум аясында тараптар екі елдің кино өнімдерін өз аумақтарында таратуға қолдау көрсетеді.

«Кино өнімдерін шетелде тарату – мәдени әралуандықты ілгерілетудің маңызды факторы. Бұл орайда Франциядағы Ұлттық кинематография және анимация орталығы қазақстандық әріптестерге кино өндірісін халықаралық деңгейде ілгерілетуге қатысты сараптамаларын бөліседі. Бұл – тәжірибе толыстыруға таптырмас мүмкіндік», – дейді Қазақстандағы Ұлттық киноны қолдау орталығының басқарма төрағасы Құрманбек Жұмағали.

Франция Ұлттық кинематография және анимация орталығы қазақ фильмдерін таратуға, француз фильмдерін қазақ тіліне дубляждауға көмек көрсетуге дайын екенін жеткізді.

Тағыда

admin

«Астана ақшамы» газеті

Ұқсас жаңалықтар

Back to top button