Астанада Халықаралық гроссмейстер Динара Сәдуақасова «Шахмат ойнауды үйренейік» атты кітабының тұсаукесерін өткізді.
Бұл – екі тілде, дәлірек айтқанда қазақ және орыс тілдерінде жазылған еңбек интеллектуалды ойын бойынша Қазақстандағы алғашқы оқу құралы болып отыр. Оқырмандар кітаптан шахматтың тарихы, ережелері, тактикалық әдістері, тапсырмалар мен олардың жауаптары, этюдтердің шешілу жолдары және ойын кезіндегі тәртіп ережелері жөнінде нақты ақпарат-кеңес ала алады.
Аталған кітап Shakhmardan Yessenov Foundation ғылыми білім беру қоры мен Қазақстан шахмат федерациясының қолдауымен жарыққа шықты. Жақын арада оқу құралы кітап дүкендері мен сайттарда сатылымға шығады.
