Халықаралық «Ecojer» конгресі
2 маусымда елордада халықаралық «Ecojer» конгресі өтеді. Оған әлемге әйгілі тәжірибелі сарапшылар, эко-белсенділер, мемлекеттік органдардың, кәсіпорындар мен халықаралық ұйымдардың өкілдері қатысады деп күтілуде.
Іс-шараның басты мақсаты – экология, тұрақты даму, «жасыл» инвестициялар үлесін арттыру, экологиялық мәдениет пен қоғамның хабардарлығын арттыру мәселелері бойынша ұсыныстар мен ұсынымдар әзірлеу үшін барлық мүдделі тараптардың күш-жігерін біріктіру және тәжірибе алмасу. Конгресс барысында ҚР Экология, геология және табиғи ресурстар министрлігі, елорда әкімдігі, Қазақстандағы «БҰҰ-әйелдер» құрылымы, БҰҰДБ және түркітілдес елдердің Парламенттік ассамблеясы (Turk PA) экологиялық реформалар, су ресурстарын басқару жүйесін модернизациялау, ұлттық экономиканы декарбонизациялау және тұрақты қаржылық инструменттер, Turk PA қатысушы-мемлекеттерінің тұрақты даму саясатындағы гендерлік мүмкіндіктер, жаңа нарықта энергияның және т. б. ресурстардың баламалы көздерін қалыптастыру секілді маңызды мәселелерді талқылайды деп жоспарланып отыр.