Қазақстан астанасының шеберлік жоспары халықаралық ISOCRP Grand Excellence Award 2021 жүлдесіне ие болды. Бас жүлде «Нұр-Сұлтан шеберлік жоспары-2030» жобасы үшін берілгенін халықаралық сәулетші Тим Стонор LinkedIn әлеуметтік желісінде жариялады.
[smartslider3 slider=737]
Бұл туралы қазақстандық урбанист Асхат Сәдуов те Facebook-те жазып, жақсы жаңалықпен бөлісті.
Бұл – жоспарлау және аумақты дамыту саласындағы халықаралық сарапшылардың әлемдік мойындауы. Бірнеше жыл бұрын жасалған аталған елорда құжаты бірнеше кітаптан тұрады. Осы жылы 10 қарашада жүлдені ресми тапсыру салтанаты Қатарда – Дохада өтеді.
