Бүгінде Қазақстан – серпінді дамып келе жатқан, үлкен беделі және әлеуеті бар, экономикалық тұрғыдан қуатты мемлекет, – деп баға берді Ресей Федерациясы Үкіметі Төрағасының бірінші орынбасары И.И.Шувалов.
«БСҰ-ның, бірқатар өңірлік интеграциялық құрылымдардың, жекелеген елдердің тарапынан Кеден одағына қызығушылық жайдан-жай емес. Біздің интеграциялық құрылымымыз барған сайын халықаралық экономикалық қатынастардың тікелей қатысушысы ретінде танылып, барынша еркін сауда режімдерін белгілеу жөніндегі жекелеген елдермен және олардың бірлестіктерімен келіссөздер шеңберін кеңейтіп келеді. Бұл бағытта да алдағы жылда біз нақты нәтижелерге қол жеткіземіз деп үміттенемін» деп атап өтті ол.
