Астананың демографиялық ахуалы жыл сайын жақсарып келеді. Өзге қаладан қоныс аударатындардың көптігін айтпағанда, күніне елорда перзентханаларында 70-80 сәби дүние есігін ашады.
Қала емханаларына жылына орта есеппен 35 мыңдай адам тіркелетіні көп жайтты аңғартса керек.
«Бір төл туса, бір түп жусан артық өседі» дейді халқымыз. Елордада халық санының жылдам әрі қарқынды өсуі белсенді көші-қон үдерісі мен бала туу көрсеткішінің артуына байланысты. Әрине, бұл ретте денсаулық сақтау саласының орны ерекше. Астана қаласы Денсаулық сақтау басқармасының мәліметіне сүйенсек, қаңтар-тамыз айлары аралығында 18446 бала дүниеге келген. Ай сайын 2000-нан астам сәби туылады. Бұл көрсеткіш өткен жылдың сәйкес кезеңімен салыстырғанда 7,1 пайызға артық.
Гүлмира Аймағанбет
