Экономика
ИНВЕСТИЦИЯЛЫҚ ЫНТЫМАҒЫМЫЗ АРТАДЫ
Мемлекет басшысы Нұрсұлтан Назарбаев Италия Республикасының Премьер-министрі Маттео Ренцимен кездесті. Кездесу барысында Қазақстан мен Италия ынтымақтастығының сауда-экономикалық және инвестициялық салаларды қамтыған басымдығы бар бағыттары талқыланды.
«Италия – біздің ірі сауда және инвестициялық серіктесіміз, біз өзара ықпалдастығымызға жаңа серпін бере аламыз. Мен сізді біздің елге ресми сапармен де келуге шақырамын» деді Президент.
Италия Премьер-министрі өз кезегінде Мемлекет басшысына осы кездесу үшін алғысын білдіріп, Қазақстанға ресми сапармен келу туралы шақыртуды зор ризашылықпен қабыл алатынын айтты. Айта кеткен жөн, келіссөздер барысында мұнай-газ, көлік, энергетика және ауыл шаруашылығы салаларындағы қарым-қатынастарды дамыту перспективалары қарастырылды.