Ізгілік идеясы
Республикалық диагностикалық орталығында Ұлттық медициналық холдинг қызметкерлері мен «Нұр Отан» ХДП Астана қалалық филиалы төрағасының орынбасары Мейрамбай Оралов және «Нұр Отан» ХДП Ұлттық медициналық холдинг жанындағы филиалының төрағасы, профессор Серік Ақшолақовтың қатысуымен жиналыс өтті. Онда қоғам өміріндегі маңызды құжаттар түсіндіріліп, талқыланды.
Бірінші кезекте ұлттық денсаулық сақтау жүйесіндегі басымдықтар, сапалы және қолжетімді медициналық қызметтермен қамтамасыз етудегі оң өзгерістер сөз етілді. Елбасының «Қазақстан – 2050» стратегиясы: қалыптасқан мемлекеттің жаңа саяси бағыты» атты Қазақстан халқына Жолдауының негізгі бағыттары жан-жақты түсіндірілді. Сонымен бірге, «Нұр Отан» ХДП партиясының «Нұрлы болашақ жолында» атты доктринасының жобасы қаралды. Жаңа саяси құжат игі мақсаттарды қолдайтын барлық күштерді біріктіру идеясына негізделген.
– Партияның ХV съезі қарсаңында еліміздегі барлық бастауыш партия ұйымдарында доктрина жобасы талқылануда. Партияның жаңа ғасырдағы миссиясы мен түпнегіз құндылықтарын айшықтаған доктрина «Қазақстан – 2050» стратегиясын жүзеге асыруда партияның рөлін де айқындайды, – деді «Нұр Отан» ХДП Ұлттық медициналық холдинг жанындағы филиалы төрағасының бірінші орынбасары Мария Өтебаева.
Таңатар Төлеуғалиев