JOLTAP: елордалықтың жаңа мамандықты меңгеруіне көмектесті

Үш ұлдың анасы Сәуле Мадышева білімі бойынша ұстаз болғанымен, өз мамандығы арқылы жұмыс істеп көрмеген, тек әр салада еңбек етіп жүрген. Ол JOLTAP жобасы туралы кездейсоқ, тігін тобынан естіп, кейінірек «Баршаға Мүмкіндік» модульдік пунктіне барып, оқу мүмкіндіктері туралы егжей-тегжейлі сұрап білген.

«Мен тігіншілікті аздап білетінмін, бірақ өрнек салуды білмейтін едім. Сол себепті дизайнерлік курсқа жазылдым. Бұл ең дұрыс шешім болды – мен керемет топқа түстім. Ал біздің ұстазымыз Сәду Анар Төлегенқызы бәріміздің жүрегімізден жол тапты! Біз оны үлкен қызығушылықпен тыңдадық. Ол үлгілерді құрудың барлық процесін түсіндіргені сонша, сабақ байқалмай жылдам өтті», – деп атап өтті Сәуле.

Оның айтуынша, осыдан кейін тапсырмаларды өз бетінше орындау оңай болған. Мұғалімнің мұқият көзқарасы мен тиімді оқыту әдістерінің арқасында оқушылар экзамендерді сәтті тапсырды.

Ол білікті оқытушылар құрамын, курстардың жоғары деңгейде ұйымдастырылғанын ерекше атап өтті. Барлық аудитория кәсіби құрал-жабдықтармен жабдықталған, ал әкімшілер сұрақтарға көмектесуге және жауап беруге әрқашан дайын.

«Орталық ерекше әсер қалдырды – жайлы орта, жауапты мамандар. Тренинг екі аптаға созылғаны өкінішті, жылдам өтіп кетті», – дейді Астана тұрғыны.

JOLTAP курсын бітірген Сәуле осы бағытта дамуды жалғастырмақ ниетте, енді қосымша тігін курстарынан өтуді жоспарлап отыр.

«Осы мүмкіндік үшін ұйымдастырушыларға алғыс айтамын. Мен мұндай курстардың жұртқа көбірек қолжетімді болғанын қалаймын», – деді курс түлегі.3912:19