Елордада жыл сайын мемлекеттік бағдарламалар арқылы несие немесе грант алып, кәсіпкерлікке ден қоюшылардың саны артып келеді. Кәсіпкерлік грант ұтып алғандардың бірі– Альбина Құрбанқызы. Ол өз тігін цехын ашып, еңбек етуде.
[smartslider3 slider=611]
– Бұл жобаға қатысқан соң менің жеке кәсіп ашуға деген қызығушылығым артты. Содан тігін цехын және дүкен ашуға бел байладым. Қазір цех қарқынды жұмыс істеп жатыр. Мұнда ұлттық нақыштағы құрақ көрпелерді, жастықтарды, қыз жасауын, сәбиге арналған көрпелерді, бесік құралдарын, қоржындар, шымылдық және ұлттық киімдер тігеміз. Тұрғындардан тапсырысты әлеуметтік желілер арқылы және дүкенде тұрып қабылдаймын, – дейді Альбина.
