Карантиндік шектеу шараларына байланысты шағын және орта бизнес субъектілеріне қолдау көрсетілмек. Яғни қарыздарын өтеу күндері кейінге шегеріледі.
Карантиндік шаралардың ұзартылуына байланысты Мемлекет басшысы Қ.Тоқаев шағын және орта бизнес субъектілері үшін банктік қарыз және микрокредит шарттары бойынша биылғы жылдың 3 тамызынан 1 қазанға дейін 60 күн кейінге қалдыруға мүмкіндігі беріледі. Ал кредиттік ұйымдар шешімді қарыз алушының өтініші негізінде және қарыз алушының қаржылық жай-күйінің нашарлауын растайтын құжаттарды талап етпей-ақ қабылдайды. Өтініштер 2 жұмыс күнінде қаралады. Әр түскен өтініші жеке тәртіппен бағаланады. Сөйтіп қаржылық жағдайы төмендеген кәсіпкер кемінде 90 күннен аспайтын мерзімге несиесін төлеуді шегере алады.
Наима НҰРАЛЫҚЫЗЫ
