Жаңалықтар
Керекуден жәрмеңке келеді
Алдағы 5-6 қазан күндері қалалық әкімдіктің алдындағы орталық алаңда Павлодар облысының ауыл шаруашылығы жәрмеңкесі өтеді.Кереку жерінің тауар өндірушілері астаналықтарға нарықтан 15-20 пайыз төмен бағамен азық-түлік өнімдерінің алуан түрін ұсынбақ. Соның ішінде облыстың 150 шаруашылығы саудаға – 665 тонна ет, сүт, ұн тағамдарын шығармақ. Әсіресе, аймақтың «Кеңес-Агро», «Заря» шаруа қожалықтары мен «Биосим» ЖШС өндірген картобының сапасы жоғары.
Сондай-ақ, жәрмеңке бағдарламасына Ертіс өңірі қолданбалы өнер шеберлерінің сауда-көрмесі мен көркемөнерпаздар үйірмелерінің концерті, түрлі спорттық бәсекелер енгізілген.