Кеше «Тілеп қобыз сарайының» концерт залында «Көк түріктер» фольклорлық-этнографиялық ансамблі өнер көрсетті. Бағдарламада қазақ әндерімен қатар әлем халық­тарының шығармалары, шетелдің классикалық музыкасы орындалды.

Елдегі ұлтаралық келісім мен рухани мәдениетті дамытқаны үшін «Әлем мәдениеті келісім мен татулық» халықаралық ғылыми-тәжірибелік конференциясы аясында қоғам қай­раткері, белгілі композитор Төлеген Мұхамеджанов «Бірлік» медалімен марапатталды.