Бұл суретті 1967 жылы өңірге кеңінен танымал фототілші Нұрмұхамат Имамов түсірген.
Шаһардың сол кездегі келбетін, дәлірек айтқанда, ең үлкен көшелердің бірі Победа көшесіне объективін тураламас бұрын өз ісінің кәсіби шебері бір биіктік іздегіні анық.
Мүмкін, ол тоғыз қабатты үйдің төбесі, әлде салынып жатқан көпқабатты үйдегі құрылыс кранының кабинасы болды ма екен? Ол жағы бізге меймәлім. Тек бір ақиқаты – фотограф Победа, Москва, Сарыбұлақ, Потанин, Каченко көшелеріндегі жаңадан салынып жатқан көпқабатты үйлер арқылы Целиноград қаласының әсем келбетін паш еткен.
