Алмас Кішкенбаев «Қазақстан» концерт залында 10 жылдық есеп беру концертін өткізді. Әнші жанды дауыста шырқады. Оған қоса, кәсіби бишілермен тең дәрежеде билеп, тыңдарманын таң қалдырды.
Бұл кеште Алмастың репертуарындағы жаңа әндерін де тыңдадық. Әншіні құттықтай келген «V Әлем», «RinGo», «Классик» тобының жігіттері өнер көрсетті. Ал, «Астана» телеарнасының шақыртуымен концертке анасының келуі Алмастың өзі үшін де тосын сый болды. Көпшіліктің ыстық ықыласына бөленген әншіміз өнердегі арқасүйер ағалары Ұлықпан Жолдасов, Арман Дүйсеновке және алғашқы продюсері Ләйлә Сұлтанқызына алғысын жеткізді. Концертке келген көрерменнің қошеметіне қарағанда, Алмастың есеп беру кеші сәтті өтті.
Әйгерім Балғабаева
