Мәдениет

Композиторға арналған кеш

Еркеғали Рахмадиев атындағы Мемлекеттік академиялық филармония­да композитор Ғазиза
Жұбанованың мерейтойына арналған кеш өтті. Мерейтойлық іс-шараға Ғазиза Жұбанованың
туыстары мен жақындары, мәдениет қайраткерлері қатысты. Тыңдармандар симфониялық оркестр мен орындаушының әрбір концерттік нөміріне ерекше ықылас білдірді.

[smartslider3 slider=3347]

 

– Ұжымға Ғазиза Жұбанова сынды асқан шебердің туындыларын орындау – үлкен мәртебе. Себебі орындаушыларға
Ғазиза Ахметқызының музыкасы үлкен шабыт береді, – деді симфониялық оркестрдің көркемдік
жетекшісі Берік Батырхан.

Оркестрмен фортепианоға арналған концертті Ғазиза Жұбанованың немересі Карина Измаилова орындады. Мектеп жасында ол әжесінің пьесаларын ойнап, Мәскеу консерваториясында шығармаларын орындаған.

– Филармонияда әжем
Ғазиза Жұбанованың 95 жылдығына арналған концерт өтетініне өте қуаныштымын. Бұл мерейтойды бүкіл Қазақстан бойынша атап өту – музыка әлеміндегі үлкен оқиға, – деді ол.

Кеш барысында «Мерекелік увертюра», «Сарыөзек метафоралары», №3 симфониясы және оркестрмен фортепианоға арналған концерт орындалды.

 

Тағыда

Ұқсас жаңалықтар

Пікір үстеу

Э-пошта мекенжайыңыз жарияланбайды.

Back to top button