Конституциялық Сотқа Түркия Әділет академиясының делегациясы келді, деп хабарлайды astana-akshamy.kz
Астана қаласында Конституциялық Сот төрағасының орынбасары Бақыт Нұрмұханов пен Түркия Әділет академиясының президенті Мұхиттин Өздемир бастаған делегациямен кездесу өтті. Шараға Конституциялық Соттың судьялары Қанат Мусин, Асан Ескендіров, сондай-ақ Қазақстан Республикасы Бас прокуратурасы жанындағы Құқық қорғау органдары академиясының өкілдері қатысты.
Кездесу барысында судьялар делегацияны конституциялық бақылау органының қазақстандық моделімен таныстырып, Конституциялық Сот миссиясының негізгі аспектілері мен оның қызметінің басым бағыттарын белгіледі.
Мұхиттин Өздемир құқық қорғау органдарына кадрлар даярлау саласында түрік тәжірибесімен бөлісті.
Кездесу қорытындысы бойынша одан әрі ынтымақтастық туралы, оның ішінде ақпарат алмасу және сараптамалық қолдау саласында келісімге қол жеткізілді.
