Memleket basşysy Qasym-Jomart Toqaev biylǧy 20 qaraşany kezekten tys Qazaqstan Respublikasy Prezidentınıŋ sailauy ötetın kün dep belgıledı.
Qazır ömır özgerıp, zaman jaŋaruda. Sondyqtan Ädılettı Qazaqstan jaǧdaiynda jaŋaşa sailau ötkızu – elımızdı oŋ qadamdarǧa, biık belesterge bastaidy. Ärı bızdıŋ qai-qaisymyzǧa da tyŋ mümkındıkter beredı dep tüsınuımız kerek.
Biylǧy Qazaqstan halqyna arnaǧan Joldauynda el Prezidentı qūqyq qorǧau qyzmetkerlerı aldyna zor mındetter qoidy. Qoǧamdyq tärtıptı qataŋ qadaǧalap, esırtkı biznesı, tūrmystyq zorlyq-zombylyq siiaqty keleŋsızdıktermen ymyrasyz küres jürgızıp, olarǧa barynşa tosqauyl qoiyluyn tapsyrdy. Būl bızdıŋ salaǧa ülken jauapkerşılık jükteidı. Sonymen qatar bız sailauǧa da barynşa küş jūmyldyramyz. Işkı ıster organynyŋ qyzmetkerlerı būny jaqsy tüsınedı. Qazır bızde de oŋ özgerıster bolyp jatyr. Jūmysymyzdaǧy jinaqylyq, tärtıp, tapsyrylǧan ıske asa ūqyptylyqpen qarau är tärtıp saqşysyna tän.
Öitkenı elımız ülken özgerıs üstınde. Saiasi jüie qaita jüktelıp jatyr. Ol özgerıs Prezidenttıŋ özınen bastalyp jatyr. Prezident aitqan reformalar qazır bırtındep ömırge ene bastady.
Qasym-Jomart Kemelūlynyŋ «Prezident 7 jylǧa sailanady ärı būl Ata Zaŋǧa engen bap endı özgermeitın bolady. Bır adam bilıkte ūzaq otyruǧa bolmaidy» degen sözın būqara qoldap otyr. «Jaŋa Qazaqstan» jaǧdaiyndaǧy alǧaşqy prezidenttık sailau sonysymen erekşe.
Endı Memleket basşysy özınıŋ sailaualdy baǧdarlamasyn ūsynady. Onda eldıŋ osy jyldarda damu, örkendeu mümkındıkterı belgılenedı. Halyq osynyŋ bärın körıp, bılıp, senıp otyr. Bız de aldaǧy künderden zor ümıt kütemız.
Elmira ŞAULENOVA,
Astana qalasy Polisiia departamentı baspasöz qyzmetınıŋ jetekşısı, polisiia maiory
