Eldıŋ törı – elorda jyldan jylǧa būqaralyq sporttyŋ da ordasyna ainalyp keledı. Astanada ötetın marafon, triatlon, şaŋǧy jäne velo jarystaryna tek elımızden ǧana emes, şetel sportşylary da qyzyǧyp qatysatyn boldy. Sondai ıs-şaranyŋ bırı, jeksenbı künı ötken Astana half-2023 marafonyna elımızdıŋ 16 öŋırınen, sondai-aq AQŞ, Ūlybritaniia, Resei, Polşa jäne Ukraina elderınen 2000 äuesqoi jügıruşı qatysty.
Astana half-2023 jartylai marafonyna Ūlybritaniia, AQŞ, Polşa, Resei, Ukraina jäne elımızdıŋ öŋır-öŋırınen 16 jastan 75 jasqa deiıngı 2000-ǧa juyq qatysuşy qatysty. Jelaiaqtar 21,1 jäne 5 şaqyrym qaşyqtyqqa jügırdı.
Ötken jeksenbı künı taŋerteŋ 7-den bastalǧan ıs-şaranyŋ aşylu saltanatyna Astana qalasy äkımınıŋ orynbasary Erlan Bekmurzaev qatysyp, marafonşylarǧa sättılık tıledı. İä, būl künı erte tūrǧan elordalyqtar taŋerteŋnen qala köşelerınde jügırgen äuesqoi sportşylarǧa qoldau bıldırıp, olardyŋ erık-jıgerıne qol soqty.
Astana Half jäne Astana Marathon – qaiyrymdylyq aksiialarynyŋ tūraqty qatysuşysy. Bırneşe jyldan berı qarajattyŋ bır bölıgı Qazaqstandaǧy bala men säbi ölımı jäne mügedektıgın azaituǧa baǧyttalǧan Ayala qaiyrymdylyq qorynyŋ jobalaryna baǧyttaluda. Biyl qor arqyly Qazaqstannyŋ balalar auruhanalaryn ömırlık maŋyzdy jabdyqpen jaraqtandyru jönındegı «Ömırden läzzat alaiyq» jobasyn qoldauda.
21,1 şaqyrym qaşyqtyqta erler arasynda 1 saǧat 9 minut 51 sekundta märege jetken Älımjan Baltabek üzdık bolsa, äielder arasynda 1 saǧat 11 minut 57 sekundta baǧyndyrǧan Güljanat Janatbek daralandy. Al 5 şaqyrymda erler arasynda Aleksei Gusarov (00:15:04), äielder arasynda Eva Pinchuk (00:17:45) baǧy üstem boldy.
Marafonda jas sanaty boiynşa da myqtylar anyqtaldy. 18-39 jas aralyǧynda jügırgen erler arasynda almatylyq Sūltan Aiǧaraev, äielder arasynda petropavldyq Aigül Arjanikova bırınşı oryn aldy.
40-44 jas sanatynda Aleksandr Bespalov pen Lena Skliarova, 45-49 jastaǧy marafonşylar arasynda Aleksandr Mişanov, temırtaulyq İnna Vişniakova erler jäne äielder arasynda jüirık ekenın körsettı. 50-54 jas aralyǧynda Vasilii Pivnev, 55-59 jas aralyǧynda Qanat Sügırbaev pen Margaret Fris, 60-64 jas sanatynda Ǧaliolla Ysqaqov, 65-69 jas sanatynda Qaiyrjan Moldybaev, 75-79 jas aralyǧynda Amelgulsin Mūsylmanova märege bırınşı jettı.
Aita ketetını, 60-64 jastaǧy marafonşylar arasynda Niderlandydan kelgen Andre Karstens jüldegerler qatarynan körındı.
