Astanada Respublika künıne orai mümkındıgı şekteulı jandar arasynda «Showdown» üstel tennisınen I qalalyq aşyq chempionat öttı. Jarysta arnaiy jattyǧudan ötken 20 qatysuşy oiyn körsettı.
Sporttyq ıs-şaranyŋ aşylu saltanatyna Astana qalasynyŋ Dene şynyqtyru jäne sport basqarmasynyŋ basşysy Samat Jylqybaev saltanatty türde aşyp berdı. QR Sport jäne dene şynyqtyru ısterı komitetınıŋ basqarma basşysy Mūhamedjan Beknazarov, Parlament mäjılısınıŋ deputaty Maqpal Täjmaǧanbetova, Astana qalasynyŋ jäne Äzıret Sūltan meşıtınıŋ bas imamy Erbolat Nūryldaūly, Dene mümkındıgı şekteulı tūlǧalarǧa arnalǧan sporttyq daiarlau ortalyǧy basşysynyŋ orynbasary Ädılhan Ömırzaqov, belgılı aitysker aqyn Balǧynbek İmaşev jäne «Közımnıŋ qarasy» mügedekter qoǧamdyq bırlestıgınıŋ töraǧasy Jüzbai Serıkūly qatysyp, sportşylarǧa sättılık tıledı.
«Būl jarys Respublika künıne arnalyp otyr. Astana qalasy äkımdıgınıŋ atynan barşaŋyzdy aldymyzda kele jatqan ūlttyq merekemız Respublika künımen qūttyqtaimyn. «Showdown» üstel tennisınıŋ özgeşelıgı elordada alǧaş ret ötkızılude. Endı, astanalyq zaǧip jandar elımızde endı ǧana damu qarqynyn alǧan «Showdown» oiynyn igerıp, respublikalyq, halyqaralyq jarystarǧa qatysyp, elordamyzdyŋ namysyn abyroimen qorǧaitynyna senımmen qaraimyz.
Al «Showdown» üstel tennisınen
I-qalalyq aşyq chempionatynda eptıler men küştıler jeŋıske jetuıne tılektespın» dedı basqarma basşysy S.Jylqybaev.
Astana qalasynda bırınşı ret ötkızılıp jatqan jarys aldaǧy uaqytta elımızdıŋ basqa öŋırlerınde ırıkteu kezeŋın ötkızıp, qaraşa aiynda respublikalyq turnir ötkızu josparlanyp otyr.
– «Būrynnan ızdenıste jürıp, şet memleketterden osyny qarap, zerttep Qazaqstanǧa qalai äkelsem eken degen oi boldy. Būl chempionat osy Astana qalasynda ötkızılgennen keiın, aldaǧy uaqytta 13-Düniejüzılık zaǧip jandar künıne orai respublikalyq turnir ötkızemız» deidı «Közımnıŋ qarasy» mügedekter qoǧamdyq bırlestıgınıŋ töraǧasy Jüzbai Serıkūly.
Şaranyŋ maqsaty – älemdık deŋgeidegı jarystarǧa qatysu üşın otandyq qūrama komanda jasaqtau boldy.
Al mamandardyŋ aituynşa, Kanada, Germaniia, Bolgariia siiaqty şet memleketterde jaqsy damyǧan būl sport türı köz janarynan aiyrylǧan zaǧip jandardyŋ densaulyǧyna paidaly. Iаǧni, estu qabıletımen, qol men aiaq qozǧalysy qyzmetınıŋ jūmysyn arttyrady.
Respublika künıne orai ūiymdastyrylǧan chempionattyŋ jeŋımpazdary arnaiy diplomdarmen, medaldarmen, syilyqtarmen jäne kuboktarmen marapattaldy. Sonymen qatar barşa qatysuşylarǧa demeuşıler tarapynan aqşalai qarajat tabystaldy.
