Bügınde elımızde barlyq salada sifrlandyru ısı qarqyndy jürgızılude. Elordanyŋ qalalyq Qoǧamdyq densaulyq saqtau basqarmasynyŋ aldyna qoiǧan maŋyzdy mındetterınıŋ bırı de osy – medisinalyq qyzmetterdı sandyq tehnologiiaǧa köşıru. Sonyŋ bır körınısı retınde Astanada alǧaş ret №2 köpbeiındı qalalyq auruhanada jaŋa gospitaldyq farmasiia bölımşesı aşyldy. Jaŋa innovasiialyq bölımşenıŋ aşylu saltanatyna vedomstvolyq ministrlık ökılderı, basqarma basşylary, atalǧan auruhana därıgerlerı qatysty.
Keluşılerdı qarsy alǧan auruhana direktory Nūrbol Tūrsynbaev emdeu mekemesıne engızılıp jatqan özge de jaŋaşyldyqtarmen tanystyrdy. Ol atap aitqan 3 baǧyttaǧy jūmystardyŋ bärı pasientke baǧdarlanu aiasynda jüzege asyrylyp otyr. Bırınşısı, pasientterge bır qadam jaqyndyq – olardy qoldau qyzmetı, elektrondyq kezektı engızu, pasientterdı josparly gospitalizasiialau algoritmı boiynşa jūmys ısteitın front-keŋsenıŋ aşyluy.
– Memleket basşysy aitqan konsepsiiaǧa säikes «Estitın memleket» qaǧidaty boiynşa bız būl front-keŋsenı kıreberıske, iaǧni halyq köp jinalatyn, otyratyn jerge qoidyq. Öitkenı köp mekemelerde būl qyzmettıŋ adamdary 2-3 qabatta ornalasady. Būl öte yŋǧaisyz, halyq sodan qaida aryzdanu kerektıgın bılmeidı. Medisinalyq qyzmet sapasyn arttyruǧa bailanysty halyqtyŋ ötınış-şaǧymy jyldan jylǧa köbeiıp keledı. Osyǧan orai pasientterdı qoldau qyzmetın jaŋaşa formatta jetıldırudı qolǧa aldyq, – dedı Densaulyq saqtau ministrlıgı medisinalyq jäne farmasevtikalyq baqylau departamentınıŋ basşysy Darhan Tūrlybekov. Jaqyn arada jaŋa jüie arqyly onlain rejimde bos tösek-oryn sanyn köre alatyn mümkındık tuady, būl qyzmet auruhana saitynda da qoljetımdı bolmaq. Mūnda täulıgıne 24 saǧat tynymsyz jūmys ısteitın call-ortalyq bar, oǧan kün saiyn 500-den astam ötınış-şaǧymdar tüsedı.
Ekınşı, jaŋa qabyldau-diagnostikalyq bölımşesın salu jospary tanystyryldy. Būl bölımşe Qabyldau habı rölın atqarady jäne mekemenıŋ ekı bırdei ǧimaratyn, iaǧni Akuşerlık jäne Klinikalyq bloktardy bırıktıredı. Osy ekı bloktyŋ ortasyna salynatyn jaŋa bölımşe ǧimaratynyŋ qūrylysy biyl III toqsanda bastalyp, 13 aidan soŋ kelesı jyly sol uaqytta aiaqtalady dep josparlanuda. Jaŋa keşennıŋ eŋ astyŋǧy bölıgı barlyq aurular boiynşa diagnostika jürgızetın jabdyqtarmen toltyrylady. Mūnda travmatologiialyq punkt aşu da közdelude.
Üşınşısı – gospitaldyq farmasiia bölımşesınıŋ aşyluy. Joba älemdık täjıribede keŋ qoldanysta ärı halyqaralyq talaptardyŋ bırı bolyp sanalady. Qazır qala boiynşa jūmys ıstep tūrǧan 9 auruhananyŋ ışınde osy emdeu mekemesınde alǧaş ret jüzege asyrylǧan jaŋa jobany aldaǧy uaqytta köpbeiındı auruhanalardyŋ barlyǧyna engızu josparda tūr. Astana qalalyq Qoǧamdyq densaulyq saqtau basqarmasynyŋ basşysy Timur Mūratov pen atalǧan auruhana direktorynyŋ keŋesşısı, medisina ǧylymynyŋ doktory, professor Jaqsylyq Dosqaliev jaŋa bölımşenıŋ aşyluyna orai lentasyn qidy.
– Mıne, bügın auruhanada nauqastarǧa kömek körsetu sapasyn arttyruǧa baǧyttalǧan jūmystar nätijesıne kuä boldyŋyzdar. Auruhananyŋ klinikalyq bölımındegı pasientterdı qoldau boiynşa front-keŋsesınde nauqas adamnyŋ tuystary kelıp, sol jerden nauqas turaly tolyq aqparat alyp, därıgermen habarlasuyna bolady. Odan bölek, auruhanada engızılgen sifrlyq şeşımder pasientter üşın de tiımdı, medisinalyq personal qyzmetın jeŋıldetuge de septık etedı. Jaŋadan aşylǧan bölımşe jūmysy tolyq sifrlandyrylǧan. Nauqasqa berıletın därı-därmek mölşerı avtomatty türde qadaǧalanyp otyrady. Bölımşenıŋ bıregei tūsy – därı-därmektı ysyrap qylmai, artyq şyǧynnyŋ aldyn alu. Sondai-aq qate därı-därmek taǧaiyndau qaupı äjeptäuır azaiady. Aldyn ala esepteuler boiynşa joba jylyna 400 mln teŋgege deiın biudjet qarajatyn ünemdeuge mümkındık beredı, – dedı basqarma basşysy. Jobanyŋ negızgı mındetı – därıgerlerdıŋ taǧaiyndauy boiynşa medisinalyq preparattardy uaqtyly jäne sapaly daiyndau, olardy medisinalyq ūiymnyŋ klinikalyq jäne para-klinikalyq bölımşelerıne jetkızu.
– Därılık preparattardy klinikalyq farmakolog är nauqasqa onyŋ jasy, salmaǧy, qarsy körsetkışterı, täulıktık dozasy jäne özge de ölşemder boiynşa taǧaiyndaidy. Būl jobany ıske asyru kezınde bızdıŋ klinikada būǧan deiın jüzege asyrylǧan Akgiun aqparattyq jüiesınıŋ daiyndyǧy maŋyzdy röl atqardy, – dep atap öttı auruhananyŋ bas därıgerı Nūrbol Tūrsynbaev.
Bölımşede üzdıksız qyzmette otyratyn klinikalyq farmakologtar elektrondy türdegı barlyq därıger taǧaiyndaularyn tekseredı. Elektrondy jüiege kelıp tüsken därıger taǧaiyndauy şūǧyl türıne jatsa, därıler 15 minutta daiyndalyp, berıledı, al josparly taǧaiyndau boiynşa 30 minutta tiıstı därı äzırlenıp, pasientke jöneltıledı. Jalpy jaŋa jüie arqyly bärı aiqyn, därılerdı qoldanuda ünemdılıkke qol jetkızıledı, sybailas jemqorlyqqa jol berılmeidı.
Auruhananyŋ basty erekşelıgı – mūnda tek astanalyqtar, tıptı qazaqstandyqtar ǧana emes, şeteldıkterdıŋ de kelıp em aluynda. Äsırese, Resei, Özbekstan, Qyrǧyzstan elderınıŋ azamattary emdeluge köp keledı eken. Sondyqtan medisinalyq turizmdı qarqyndy damytyp otyrǧan auruhananyŋ osylaişa zamanaui tehnologiialarmen jabdyqtaluy zaŋdy.
Emdeu mekemesındegı innovasiialyq jaŋaşyl jūmystardyŋ bärı «Akgiun» kompaniiasynyŋ qoldauymen auruhanamen bırlese jüzege asyrylady. Osy kompaniianyŋ taǧy bır «Alaqan» degen baǧdarlamasy auruhananyŋ turniket ornatylǧan kıreberısterıne engızılgen. Onyŋ erekşelıgı – ǧimaratqa kırıp-şyqqan saiyn turnikettegı arnaiy orynǧa alaqanyn qoiǧan ärbır qyzmetkerdıŋ bükıl derekterı sol jerde qabyrǧada ılınıp tūrǧan ekranǧa şyǧatyny, iaǧni qyzmetkerdıŋ qai uaqytta kelıp, ketkenınen bölek, suretı, kım bolyp qyzmet ısteitını de jazylyp tūrady. «Akgiun» kompaniiasynyŋ Orta Aziia öŋırı boiynşa ökıldıgı Jūldyz Dahymbaevanyŋ aituynşa, aldaǧy uaqytta osy baǧdarlama aiasynda tek auruhananyŋ medisinalyq personalynyŋ ǧana emes, sonymen bırge ärbır keluşı pasientter, tūrǧyndardyŋ da deregın engızu közdelude.
