Äleumet

Kökırek közın aşaiyq

Bügıngı taŋda elımızde erekşe bılım beru qajettılıkterı bar balalardyŋ problemalary özektı. Derekterge süiensek, soŋǧy 10 jylda älem boiynşa zaǧip balalardyŋ sany bırneşe ese östı. Damyǧan elderde olardyŋ damuyndaǧy erekşelıkterın auru retınde emes, jaǧdai retınde qabyldap, erekşe balalarmen jūmys ısteudıŋ medisinalyq modelınen bılım beru modelıne köştı. İnkliuzivtı bılım berudı ıske asyru jolynda qazaqstandyq mamandar jaŋa ädıster men baǧdarlamalardy aşty.

Astana qalasynyŋ №10 mektep-gimnaziiasynda köru qabıletı būzylǧan 180 bala oqidy, onyŋ ışınde 29 bala zaǧip. Olardy oqytu üşın barlyq qajettı jaǧdai jasaluda. Mektepte balalar üşın arnaiy pedagog-assistentter men tärbieşıler jūmys ısteidı.

– 2015 jyldan bastap mektepte köru qabıletı būzylǧan balalarǧa arnalǧan synyptar aşyldy, – deidı mektep direktory Baqytjan Orynbaev.

Būl bılım ordasy – elordada zaǧiptarǧa arnalǧan synyptar jūmys ısteitın jalǧyz mektep.

Juyrda mektepte joǧary deŋgeide ūiymdastyrylǧan konferensiia öttı. Maqsaty – arnaiy jäne inkliuzivtı bılım berudı damytuda ǧylym men täjıribenıŋ jäne äleumettıŋ küş-jıgerın bırıktıru.

Ökınışke qarai, elımızde mümkındıgı şekteulı balalar jyldan-jylǧa artyp keledı, iaǧni aldyŋǧy jylmen salys­tyr­ǧanda zaǧip jandar sany 8000 adamǧa artqan. Būl degenımız inkliuzivtı mektepter sanyn arttyru keregın bıldıredı.

Konferensiiaǧa Qazaqstan Respublikasy Parlamentı Mäjılısınıŋ deputaty Kenjeǧūl Sosialūly, L.Gumilev atyndaǧy Euraziia ūlttyq universitetınıŋ jäne M.Äuezov atyndaǧy Oŋtüstık Qazaqstan universitetınıŋ professor-oqytuşylar qūramy, qaiyrymdylyq qorlardyŋ ökılderı, respublikalyq korreksiialyq pedagogika jäne neiropsihologiia bılım beru ortalyǧynyŋ ökılderı, Koreia, Dot Incorporation kompaniiasynyŋ ökılı, Ystanbūl qalasy, Tiurkan Sabandji atyndaǧy köru qabıletı būzylǧan balalarǧa arnalǧan mektep-internatynyŋ direktory, jalpy orta bılım beru ūiymdary men arnaiy bılım beru ūiymdarynyŋ basşylary, psihologiialyq-medisinalyq-pedagogikalyq komissiia basşylary, mūǧalımder, BAQ ökılderı, mügedek adamdardyŋ qoǧamdyq bırlestıgınıŋ ökılderı, ata-analar qatysty.

Konferensiia paneldık pıkırtalas, keis-sessiia, benchmarking, workshop, ­şeber-synyp jäne interaktiv formatynda öttı.

Gauhar AMANGELDI,

L.Gumilev atyndaǧy

Euraziia ūlttyq universitetınıŋ 2-kurs studentı

Taǧyda

admin

«Astana aqşamy» gazetı

Ūqsas jaŋalyqtar

Pıkır üsteu

Back to top button