Basty aqparatBılım

Oqu jyly qalai ­qorytyndylandy?

Astana qalasynyŋ kommunikasiialar qyzmetı alaŋynda «Oqu jylynyŋ aiaqtaluy jäne balalardyŋ jazǧy demalysyn ūiymdastyru» taqyrybynda Astana qalasy Bılım basqarmasy basşysynyŋ orynbasary Serık Ädılbaev brifing ötkızdı.

11-synypty 9539 tülek aiaqtaidy

Barlyq bılım beru ūiymynda sabaq 2023 jyldyŋ 31 mamyrynda aiaqtalady. Aǧymdaǧy oqu jylynda 9-synypty 18443 oquşy, 11-synypty 9539 tülek aiaqtaidy. 9 (10)-synyptyŋ qorytyndy emtihandary 2023 jylǧy 2-13 mausym aralyǧynda, al 11 (12)-synyptyŋ bılım aluşylary üşın memlekettık emtihandar aǧymdaǧy jyldyŋ 5-19 mausym aralyǧynda ötedı. 9-synyp bılım aluşylary emtihandy 4 pän boiynşa tapsyrady:

– qazaq, orys tılderı (oqytu tılı) boiynşa esse nysanynda jazbaşa emtihan 2 mausymda, matematika (algebra) boiynşa jazbaşa emtihan 6 mausym künı ötse, orys tılderınde oqytatyn synyptardaǧy qazaq tılı men ädebietı jäne qazaq tılınde oqytatyn synyptardaǧy orys tılı men ädebietı boiynşa jazbaşa emtihan 9 mausymda ūiym­dastyrylady.

– taŋdau pänı (fizika, himiia, biologiia, geografiia, geometriia, Qazaqstan tarihy, dünie jüzı tarihy, ädebiet (oqytu tılı boiynşa), şet tılı (aǧylşyn/fransuz/nemıs), informatika) boiynşa jazbaşa emtihan 13 mausymda ötedı.

11-synyptyŋ oquşylary üşın bıtıru emtihandary aǧymdaǧy jyldyŋ 5-19 mausym aralyǧynda bes pän boiynşa, 5 mausymda oqytu tılderıne qarai qazaq tılı, orys tılı pänderı boiynşa jazbaşa emtihan bolsa, 8 mausymda algebra jäne analiz bastamalary pänı boiynşa jazbaşa türde tapsyrady.

Qazaqstan tarihy pänı boiynşa auyzşa emtihan 12 mausymda ötse, qazaq tılınde oqytatyn mektepterdegı orys tılı men ädebietı, orys tılınde oqytatyn mektepterdegı qazaq tılı men ädebietı pänı boiynşa jazbaşa emtihandar 15 mausymda ötuı josparlanǧan.

Tülekter 19 mausymda taŋdau pänı (fizika, himiia, biologiia, geografiia, geometriia, dünie jüzı tarihy, qūqyq negızderı, ädebiet, şet tılı (aǧylşyn/fransuz/nemıs), informatika) boiynşa jazbaşa emtihan tapsyrady.

11-synyptyŋ emtihan material­dary ärbır bılım beru ūiymyna elektrondy formatta bırınşı basşynyŋ elektrondy poştasyna emtihan ötkızıletın künı saǧat ­7:00-de jıberıledı.

Jazǧy demalys qalai ūiymdastyrylady?

Balalardyŋ jazǧy demalysyn ūiymdastyru erekşe baqylauda. Astana qalasynyŋ äkımdıgı jazǧy kanikul – demalys kezınde balalardyŋ bos uaqytyn tiımdı paidalanu jūmysy biyl ekı baǧyt boiynşa jürgızıletının aitty. Bırınşısı – balalardy jäne jasöspırımderdı sauyqtyru, ekınşısı – demalys jäne jūmyspen qamtu baǧyty.

Aǧymdaǧy jyldyŋ jazǧy kezeŋınde jazǧy demalystyŋ barlyq türımen 197869 oquşy nemese 1-10-synyp oquşylarynyŋ jalpy sanynyŋ 98 paiyzy (186184, 11-synypty eseptemegende) qamtylady. 85 bılım beru ūiymdarynda bastauyş synyp balalaryna arnalǧan mektep janyndaǧy lagerler ūiymdas­tyrylady (88355 bala).

«Arman» jäne «Borovichok» sport-sauyqtyru lagerlerınde 2800 bala, onyŋ ışınde 2050 jetım jäne köpbalaly, az qamtylǧan otbasydan şyqqan balalar demalady.

Astana qalasynda 96 memlekettık jalpy bılım beretın mektep bar. Jazǧy şomylu kezeŋınde kämeletke tolmaǧandar arasynda jazataiym oqiǧalardyŋ aldyn alu maqsatynda Astana qalasynyŋ akvatoriiasynda Tötenşe jaǧdailar departamentı jäne iuvenaldy polisiia qyzmetkerlerımen bırlesıp, ata-analar men balalar arasynda tūraqty negızde tüsındıru jūmysy jürgızıledı.

Taǧyda

Gülşat Saparqyzy

«Astana aqşamy» gazetınıŋ tılşısı, aqparat salasynyŋ üzdıgı

Ūqsas jaŋalyqtar

Pıkır üsteu

Back to top button