Basty aqparatBılım

30 jyl: tabysty kadrlar daiarlau

Astana qalasyndaǧy «ASTANA POLYTECHNIC» joǧary kolledjıne biyl 30 tolyp otyr. Būl tarihyn ötken ǧasyrdyŋ 90-jyldarynan bastaityn ırgelı de bedeldı oqu ordasy üşın mereilı meje, aituly data. «Tarih – ötken künnıŋ kuäsı, bügıngınıŋ ülgısı men önegesı, bolaşaqtyŋ asyl qazynasy» degen naqyl söz beker aitylmasa kerek. Ordaly otyz jyldaǧy tırlıgı tüzu, bırlıgı bekem ūjymymyzdyŋ bügıngı taŋdaǧy joǧary jetıstıkterı osy jyldarda jas ūrpaqty bılım närımen susyndatyp, bılımdı, bılıktı, bäsekege qabılettı mamandar daiarlauda aianbai ter tökken ūlaǧatty ūstazdarymyz ben ısıne adal qyzmetkerlerımızdıŋ eren eŋbegınıŋ jemısı dep bılemız.

Köş basyndaǧy kolledj

1994 jyly tört tehnikumnyŋ negızınde qūrylǧan kolledjdıŋ tarihy Selinogradtan bastau alady. Otyz jylda kolledj täuelsız Qazaqstannyŋ damuyna zor üles qosyp, bügıngı künı ärtürlı salada qoǧam igılıgı üşın qyzmet etıp jürgen köptegen käsıbi kadrlardy daiyndap şyǧarǧan ülken ūstahanaǧa ainaldy. Bızdıŋ bılıktı kadrlarymyz Astanada ǧana emes, elımızdıŋ basqa öŋırlerınde de tabysty eŋbek etıp, oqu ornynyŋ abyroi-bedelın ösırıp jür. Käsıptık-tehnikalyq bılım beru jüiesınde brendke ainalǧan, zaman talabyna sai myqty mamandar daiyndaityn «ASTANA POLYTECHNIC» joǧary kolledjı bas qaladaǧy tehnikalyq jäne käsıptık bılım beretın oqu oryndary arasynda köşbasşylyq deŋgeiın saqtap keledı. Brendke ainalǧanymyz­dy däleldeitın derek keltırsek, qabyldau komissiiasynyŋ derekterıne säikes 2022 jyly talapkerlerden 1311 ötınış tüsıp, 543-ın biudjettık, 78-ın aqyly negızde studentter qataryna qabyldandy. Al 2023 jyly talapkerlerden 2517 ötınış tüsıp, sonyŋ 552-ın biudjettık, 59 student aqyly negızde oquǧa tüstı. Körıp otyrǧanymyzdai, jyldan jylǧa kolledjde daiyndaityn mamandyqtarǧa sūranys artyp keledı.

Kolledj otyz jyldyq tarihynda talai qiyn kezeŋderdıŋ, äleumettık-ekonomikalyq özgerısterdıŋ kuäsı boldy. Osy uaqyt ışınde damu jolynda köp ızgı qadam jasady, täjıribe jinaqtady, naqty jetıstıkterge qol jetkızdı. Bız üşın 30 jyl – jalyndaǧan jastyq, ükılegen ümıt jäne üzdıksız örleudıŋ kezeŋı. Öitkenı osy jyldarda bız bılım bergen tülekter älemnıŋ är qiyryna attandy. Bır quanatynymyz, bızdıŋ tülekterımız kolledjben aradaǧy qarym-qatynasyn üzbeidı. Mäselen, köptegen tülekter alma mater-ıne kelıp, ūstazdarymen jüzdesedı, ömırdegı quanyştarymen jäne tabys­tarymen bölısedı. Qiyndyqqa tap bolsa, odan şyǧudyŋ joldaryn aqyldasady. Iаǧni, tülekterımız kolledjge tek bılımı men diplomdaǧy jaqsy baǧa üşın ǧana emes, oqu ornynyŋ qabyrǧasynda sanasyna sıŋırıp, ömırlık ūstanymy etken jaŋa beles­terdı baǧyndyruǧa degen senımın qalyptastyrǧany üşın alǧys aitady. Bız de osyndai özara senımdı, ızgı qarym-qatynasty erekşe baǧalaimyz. Tülekterımızdıŋ ömırı – bızdıŋ nazarymyzdan tys qalmaǧan, olardyŋ köpşılıgı tabysty mansap qūrǧanyna öte quantarlyq jaǧdai. Bız öz tülekterımızdı maqtan tūtamyz Oljas Qūspekov – Qazaqstan Respublikasy Parlamentı Mäjılısınıŋ deputaty, Ǧani Düisenbekov – KG Chem Kazakhstan direktory, Bekzat Jaidarov – «Art Studio Bonnie and Clyde» interer dizainy studiiasynyŋ jäne «Start Education» dizain mektebınıŋ negızın qalauşy jäne kommersiialyq direktory, Sergei Baskakov – «Astanatransstroi» SK JŞS direktory, Nūrlan Düisenbaev – «Aru-Jol» JŞS direktory; Nariman Nūralin – NAIRA Group kompaniiasynyŋ bas direktory, Aleksei Anisimov – «KazCloud» JŞS önımdı äzırleu jönındegı direktory.

Bızdıŋ strategiiamyz – zamanaui sūranysqa ie maman

Qazırgı taŋda kolledj tehnikalyq salasyna eŋ qajettı 11 mamandyq (tehnik-qūrylysşy, tehnik-dizainer, supervaizer, turizm menedjerı, gaz nysandary qūral-jabdyqtaryn paidalanuşy tehnigı, tehnik-mehanik, aqparattyq qauıpsızdık tehnigı, baǧdarlamalyq qamtamasyz etudı qūrastyruşy, aqparattyq jüieler tehnigı, tehnik-mehatronik, telekommunikasiialyq bailanys jüielerınıŋ tehnigı, buhgalter) boiynşa kadrlar daiyndaidy. Älemde jaŋa tehnologiialardyŋ paida boluy men damuyna orai maman daiarlauǧa qoiylatyn talaptar bırtındep özgerude. Osyǧan säikes, kolledj sapaly bılım aluǧa barlyq jaǧynan jaǧdai jasau naryqta sūranysqa ie mamandyqtarǧa oqytu – tülekterdıŋ jūmysqa ornalasu kepıldıgın qamtamasyz etu degen strategiiasyn aiqyndap aldy.
Sapaly bılım berudıŋ negızın kolledjdıŋ jaŋartylǧan oqu-zerthanalyq keşenı, sondai-aq şyǧarmaşylyq özgerıs­ter men jaŋaşyl ideialardan qoryqpaityn ūjym qūraidy. Oqu ordasynyŋ bügıngı trendı –­ sūranysqa ie daǧdylar men käsıbi qūzyrettılıkter boiynşa kadr daiarlau bolyp tabylady. Eŋbek naryǧynyŋ özgeruıne jäne sifrlyq tehnologiialardyŋ ömırımızge dendep enuıne orai osyndai trendtı taŋdaldy.

Jūmys baǧdarlamalarynyŋ mazmūny jaŋardy, oqytuşylardy jaŋa tehnologiialarǧa oqyta bastadyq, kolledjdıŋ janynan zamanaui zerthana aşyp, resurs­tyq-oqu ortalyqtaryn qūru maqsatymen älemdık brendterdı tarttyq, oqu üderısın jetekşı tehnologiialarmen ündestırıp, materialdyq-tehnikalyq bazamyzdy nyǧaittyq. Mūndai jaŋaşyl qadamdardan ne ūttyq? Bırınşıden, tülekter diplomnan basqa zamanaui jabdyqtarmen jūmys ıstei alatynyn rastaityn arnaiy sertifikattarǧa ie bolady. Studentter oquyn bıtırgen soŋ WS standarty boiynşa demonstrasiialyq emtihan tapsyryp, «skills tölqūjatyn» alady. Sonyŋ nätijesınde belgılı bır daǧdylary men qūzyrettılıkterı bar tülekter toby jasaqtalady, būl top bılıktı maman ızdegen jūmys beruşılerdıŋ nazaryna bırden ılıgedı.

Oqu üderısındegı ozyq innovasiialar

Kolledjdegı oqu üderısın täjıribelı 90 pedagog jüzege asyrady, sonyŋ ışınde 8-ı – öndırıstık oqytu şeberı, 20-sy – magistr, 1-euı – pedagogika ǧylymdarynyŋ kandidaty, qauymdastyrylǧan professor. Atap aitarlyǧy, bızdıŋ pedagogter oqu üderısıne ünemı innovasiia­lardy engızıp otyrady. Endı osy innovasiia­larǧa tolyǧyraq toqtalaiyq. Mysaly, ­O.Peşkin, S.Lapenko, T.Muhtarova öndırıstık oqytu aiasynda tehnik-baǧdarlamaşylarǧa «Arduino» bazasynda mikrokontrollerdı baǧdarlamalau» kursy engızılgen, studentter Yii2 şeŋberın paidalanyp, veb-qosymşalar äzırleidı. E.Tusupov, J.Abrahmanova, S.Muhammediia arnaiy pänder sabaǧynda Git nūsqalaryn baqylau jüiesı, keis tehnologiialar, oqytudyŋ treningtık nysandary, AKT tehnologiialary, intellekt-kartalar jäne t.b. qoldanylady. Sondai-aq Java baǧdarlamalau­dyŋ būltty tehnologiialary, Amazon, Microsoft Azure, Cisco sertifikasiiasy jürgızıledı. Tülekter Smart-tehnologiialar tūjyrymdamasy boiynşa «BMC IO FRAMEWORK» ArtaSoft platformalarynda aqparattyq jüielerdıŋ naqty diplomdyq jobalaryn oryndaidy. Mūnda ǧylym men öndırıstıŋ arasynda tyǧyz integrasiia jüredı.

A.Şoşabai, D.Janmurzina, M.Gabdulla, J.Nurkeev, O.Vişnevskaia, G.Nauryzova tehnik-qūrylysşylardy daiarlau deŋgeiı 3D kompasy, ArchiCAD, AutoCAD, CorelDraw, 3D-MAX, Monomah avtomattandyrylǧan jobalau jäne modeldeu jüiesın üiretedı. 2018 jyldan bastap oqu üderısıne pedagog ­S.Jakiianov AutoDeskRevit, Renga Architecture baǧdarlamalarynda jūmys jasau­dy üiretedı. Qūrylys jäne aqparat salasyndaǧy 3D modeldeudı BuildingInformationModel ǧimarattardy aqparattyq modeldeu tehnologiialyq platformasy – BIM jüzege asyrady. Qazır jaŋa mamandar – BIM-jobalauşylar daiar­lanady. SMART jäne BIM tehnologiialaryn meŋgeru daǧdylary boiynşa ädettegı jobalau tehnologiialary özgerude. «Smart Astana», «Aqyldy üi» jobalary boiynşa tūraqty serıktestermen yntymaqtastyq qarym-qatynas keŋeiıp keledı.

Qūrylysşylar oqu täjıribesınde jetekşı önım öndıruşılerdıŋ ärleu qūrylys materialdarynda (Knauf) daǧdylar men qūzırettılıkterdı öndırıstık oqytu şeberlerı İ.Vorobev, N.Baibusinov oqytady, studentter qūrǧaq qūrylys tehnologiialaryn meŋgeredı, ikemdı taqtaişalarmen jäne oqşaulaǧyş materialdarmen (TehnoNikol) jäne aqyldy santehnikamen (Grohe) jūmys ıstep üirenedı. Qorytyndy attes­tattau – diplomdyq jūmys dästürlı türde de, öndırıstık üi-jailardy, oqu därıshanalary men jataqhanalardy qaita salu boiynşa da naqty diplomdyq jobalau türınde de jürgızıledı. Kolledjdegı 60-tan asa därıshana qaita jaŋartyldy. Oqu täjıribesı aiasynda naqty dizain-jobalar men qoldanystaǧy maketter (community center, student hab, elektrokar, eskertu jäne dabyl qaǧu jüiesı jäne t.b.) jasalady.

Täjıribelık därıster –bılıktılıkke aparatyn jol

Bügıngı taŋda kolledj ekologiialyq jäne energiia ünemdeitın jabdyqtar – elektromobilderge qyzmet körsetetın mamandardy, sondai-aq gaz jabdyqtaryn montajdau jäne olarǧa qyzmet körsetetın mamandardy daiar­laidy. Būl baǧytta qazırgı zamanǧy EXTLAB elektronika jäne elektromobil zerthanalary, Bocsh Thermotchik oqu ortalyǧy aşyldy, būl jerde «Bolaşaqtyŋ mamandyqtary» boiynşa kadr daiarlauǧa mümkındık paida bolyp otyr.
Sonymen qatar, B.Alkenov, E.Chingaeva, G.Abenova täjıribelık sabaqtarda avtomobilderdı basqarudyŋ elektrondyq jüiesınıŋ (elektromobil, carmanscan, AutoBosh, B-touch) zamanaui diagnostikalyq jabdyqtary, COM3LAB oqytu jüiesı qoldanalady. Būl sabaqtar boiynşa oqu täjıribesı Bosch, Sivik, Carmanscan käsıbi jabdyqtarynda ötkızıledı. Sondai-aq «Mersedes», «Audi» qozǧaltqyştarynda, gibridtık qozǧaltqyştarda avtokölıktıŋ doŋǧalaǧyn montajdau, teŋgerımın qalpyna keltıru, kölıktıŋ maiyn auystyru siiaqty jūmystardy Bosch-tyŋ qūral-jabdyqtarymen atqaryp, şeberlıkke üirenedı. Studentter oqu-täjıribe üirenu kezeŋınde Astanadaǧy «№1 avtobus parkı» AQ, «Hyundai Premium Astana» JŞS, «Allur Auto» JŞS, «AutoLand avtoservister jelısı» JŞS, «ATB Servis Trans» JŞS jäne t.b. serıktestermen bırlesıp, «tehnik-mehanik» orta buyn mamanynyŋ jūmys bılıktılıgın (kölık jöndeitın şeber jäne elektrik) meŋgeredı.
Öndırıske jaqyn telekommunikasiia jäne bailanys jönındegı zerthanada bolaşaq elektr montajdauşy-baptauşy jäne telekommunikasiialyq bailanys jüielerınıŋ tehnikterın öndırıstık oqytu şeberlerı ­V.Osinskaia, S.Jantaev, S.Ädılbek telekommunikasiia­lyq jelıler salasynda ATS-tan abonentke deiıngı bailanys jelısın montajdaudyŋ bükıl tehnologiialyq siklın barlyq deŋgeilerın üiretedı. Kolledj basşylyǧy IT qūzyrettılık ortalyǧyn, mehatronika boiynşa öŋırlık ortalyqty, avtomattandyrylǧan öndırıstık prosester boiynşa resurs­tyq jäne oqu ortalyǧyn – «Knauf», «TehnoNİKOL», «BoschThermotechnik», «ALINA» jäne «GROHE» siiaqty äleumettık serıktestermen bırlesıp damytu joldaryn belsendı jürgızemız.
Joǧaryda atalǧan zerthanalar men oqu ortalyqtary WorldSkills halyqaralyq standarttarynyŋ talaptaryna säikes, käsıbi jolmen 21 qūzyrettılıktı daiarlau, sondai-aq innovasiialyq tehnologiialar salasyndaǧy oqytuşylar, öndırıstık oqytu şeberlerı üşın bılıktılık arttyru kurstaryn ötkızetın jattyqtyru alaŋyna ainaldy. Kolledjde 4 Halyqaralyq WorldSkills jattyqtyruşysy qyzmet atqaruda: E.Qasymov, S.Lapenko, S.Kerimov, D.Rahimjanova. Būl zor jetıstık dep bılemız.

Äleumettık serıktestık – jūmyspen qamtudyŋ eŋ tiımdı joly

Qazırgı taŋda kolledjdıŋ äleumettık serıktesterınıŋ sany 200-den asady. Būl sanmen şektelıp qalmaimyz. Är ai saiyn türlı käsıporyndarmen memorandum jasaimyz. Bız tyǧyz qarym-qatynas ornatqan käsıporyndardyŋ qatarynda «Qazaqtelekom» AQ, «Freedom telekom», «KAZTELESISTEM», «BITELECOM», «IMBC» halyq­aralyq maşina jasau ortalyǧy, «Astana» EEA, «Astana-İnvest», «AUTOLAND», «Hyundai Premium Astana», «ASTER AUTO», «ASTEK AVTO», «Armantur», «Sentrtur», «Altyngazservis», «Bazis Construction», «Bi Group», «Astana İnstalkom», «Sentr audit», «Astana technoinvest» jäne t.b. bar. Kolledjdıŋ käsıporyndarmen tyǧyz bailanys ornatuy – tülekterımızdıŋ eŋbek naryǧyndaǧy bäsekege qabılettılıgın arttyrudyŋ tiımdı tetıgı. Būl baǧytta dualdy bılım beru täjıribesı engızılgen, sonyŋ ışınde käsıporyndardyŋ ötınışı boiynşa nysanaly mamandar daiyndaimyz, oqytuşylarymyz ben öndırıstık oqytu şeberlerı de taǧylymdamadan ötedı. Būl jerdegı basty mäsele – tülekterdıŋ jūmysqa ornalasuy oŋ şeşıledı. Osy jūmystardyŋ nätijesınde bızdıŋ mamandarǧa degen eŋbek naryǧyndaǧy sūranys ūlǧaiuda.

Jeŋımpazdar ordasy

Bızdıŋ tehnikalyq jäne käsıbi bılım beru salasyndaǧy köşbasşylyq deŋgeiımızdı jeŋımpaz tülekterımız ünemı däleldep keledı. Mäselen, 2022 jyly WorldSkills elordalyq käsıbi şeberlık chempionatynda 12 altyn, 4 kümıs, 4 qola medaldy ielendık. Sol jyly «World Skills» Euraziialyq chempionatynda «käsıpkerlık» qūzyretı boiynşa qola jüldenı jeŋıp aldyq. «World Skills Kazakhstan-2022» VII respublikalyq käsıbi şeberlık chempionatynda 3 altyn medal men 2 medalon aldyq. Kolledj serıktesı «1S-Qazaqstan» oqu ortalyǧynyŋ qoldauymen «Bizneske arnalǧan baǧdarlamalyq şeşımder» qūzyretı boiynşa Sankt-Peterburg qalasynda ötken «Käsıpqoilar» chempionatynda ekınşı oryn Qaparov Darhan ielendı. 2023 jyly WorldSkills Astana qalalyq käsıbi şeberlık baiqauynda 21 altyn, 9 kümıs, 4 qola medaldy oljaladyq. «World Skills Kazakhstan-2023» VIII respublikalyq käsıbi şeberlık baiqauynda 1 altyn Kolobaev Iаromir, 1 kümıs Lapenko Danil, 1 qola Uldanov Mansur jäne 3 medalonǧa Dehnich Elizaveta, Vasilenko Nikita, Sabyrov İlias üzdık nätijelerımen jeŋıske jettı. Būl körsetkışter kolledjde bılım men ozyq täjıribe qatar jüretının, maman daiarlauda tez özgeretın naryqqa beiımdele alatyn üzdık oqu ordasynyŋ aldaǧy uaqytta būdan da biık belesterdı baǧyndyratynyn körsetedı.

Bolat RYSQALİEV,
«ASTANA POLYTECHNIC»
joǧary kolledjınıŋ
direktory

Taǧyda

admin

«Astana aqşamy» gazetı

Ūqsas jaŋalyqtar

Back to top button