Astanada äuesqoilar arasynda mini-futboldan IV Qazaqstan chempionaty bastaldy
Biyl törtınşı ret ūiymdastyrylyp otyrǧan jarysqa elımızdegı üzdık 21 komanda qatysyp jatyr.
Astana ırgesındegı «Michurino» sport keşenınde mini-futboldan Äuesqoi Futbol Ligasy aiasyndaǧy IV Qazaqstan chempionaty bastaldy.
Biyl törtınşı ret ūiymdastyrylyp otyrǧan jarysqa elımızdegı üzdık 21 komanda qatysuda. Olardyŋ qatarynda 2015 jylǧy jeŋımpaz – «Esıl» sauda üiı» komandasy bar. Byltyr Almatyda ötken jarysta top jarǧan astanalyq komanda biyl ötetın mini EURO-2016 turnirınde el namysyn qorǧaityn bolady.
Al biylǧy jarysqa qatysuşylar 5 topqa bölınıp oinaidy. Är toptan üzdık şyqqandar plei-off oiyndaryna şyǧady. Chempionat jeŋımpazy atanǧan komanda mini EURO-2017 turnirıne Qazaqstan qūramasyn jasaqtap aparuǧa mümkındık alady. Sondai-aq, jarys jeŋımpazdary men jüldegerlerıne diplomdar, medaldar jäne syilyqtar tabys etıledı.
Chempionattyŋ bırınşı künı «Dostar» (Astana) komandasy Atyraudyŋ «KedenTransServis» komandasyn 4:0 esebımen ūtsa, «Nomad» (Almaty) – «SON Diasten» (Şymkent) komandalary arasyndaǧy oiyn 2:2 esebımen aiaqtaldy. Al byltyrǧy chempion «Esıl» sauda üiı» komandasy maŋǧystaulyq «Aqmädina» komandasyn 10:0 (!) esebımen tıze büktırdı.
Chempionat 2-30-31 şılde künderı Astana ırgesındegı «Michurino» sport keşenınıŋ futbol alaŋdarynda ötedı.
Oiyndar künde saǧat 11.00-den – 20.00-ge deiın ötkızıledı.
Ǧalym QOJABEKOV
