Mäslihattyŋ qūrylys, ekologiia, kölık, sauda jäne tūrǧyn üi-kommunaldyq şaruaşylyq mäselelerı jönındegı tūraqty komissiiasynyŋ otyrysynda bas qalanyŋ körıktendırıluı, tazalyq mäselelerı söz boldy.
Osyǧan orai, Astanadaǧy Almaty, Esıl jäne Saryarqa audandary äkımderınıŋ orynbasarlary Boranbai Bolatbekov, Berık Ahmetjanov jäne Riza Akchurin baiandama jasap, būl baǧytta atqarylyp jatqan jūmystarǧa toqtaldy.
Soŋǧy kezde Astanany körıktendıru ısıne köp köŋıl bölınıp, qyruar jūmys tyndyrylǧanyna qala tūrǧyndary ǧana emes, şahar qonaqtary da kuä. Rasynda, bügınde elordalyqtardyŋ bos uaqyttaryn tiımdı ötkızuge arnalǧan demalys oryndarynyŋ qatary ösıp keledı. Osy jönınde äŋgımelegen audan äkımderınıŋ orynbasarlarynyŋ aituynşa, üş audanda da köşetter otyrǧyzu jäne ony kütu, saiabaqtar men gülzarlardy tazalau jäne abattandyru, balalarǧa arnalǧan oiyn alaŋqailary men sport alaŋdaryn salu, aula jäne mektep maŋyndaǧy aumaqtardy abattandyru, sondai-aq, tūrǧyn üilerdıŋ aldyn, eskertkışter men fontandardy, Esıl özenı jaǧalauyn jappai jöndeu jäne qaita qalpyna keltıru jūmystary jürgızıldı. Astanany jaryqtandyru jūmystary da qolǧa alynyp, qala köşelerı men tūrǧyn üi aulalarynyŋ tazalyǧyna män berılude. Degenmen, älı de bolsa şeşımın kütken mäseleler jeterlık. Būl rette atqarylǧan jūmystarǧa köŋılı tolatynyn aita kele, deputat Sergei Bogatyrev Jūmabaev köşesınıŋ boiynda qūrylysy toqtap tūrǧan parking maŋynda kül-qoqystyŋ üiılıp jatqanyn, sonymen bırge synapqūramdy energoünemdegış şamdardy tastaityn arnauly konteinerler tez tolyp qalatyndyqtan, olardy jiı tazalap tūru kerektıgın jetkızdı.
«Älem» bazarynyŋ aumaǧynda soŋǧy uaqytta stihiialyq sauda örıstegenın, osyǧan orai, jerasty ötpe jolyn tekserıp, tazalau kerektıgın ūsynǧan mäslihat hatşysy Sansyzbai Esılov audan äkımdıkterı men bas qaladaǧy basqarma basşylaryn biudjet qarajatyn tiımdı paidalanuǧa şaqyrdy.
