Qazaqstan Respublikasy Prezidentınıŋ «» strategiiasy qalyptasqan memlekettıŋ jaŋa saiasi baǧyty» atty halyqqa arnaǧan Joldauynda elımızdıŋ qūqyq qorǧau organdary men Qaruly Küşterın jaŋǧyrtu mäselelerıne basa nazar audaryldy. Onda elımızdıŋ qauıpsızdıgın qamtamasyz etu üşın qazırgı zamanǧy qaru-jaraqpen jäne tehnikalarmen jabdyqtalu, sondai-aq, joǧary äskeri daiyndyq jürgızuge basa maŋyz berılgen.
Osy oraida ūlttyq qauıpsızdıktı qamtamasyz etudegı syndarly şeşımderdıŋ bırı – Memleket basşysynyŋ 2014 jylǧy 21 säuırdegı Qazaqstan Respublikasy Memlekettık küzet qyzmetı turaly Jarlyǧy bolǧanyn atap aituǧa bolady. Jarlyq boiynşa Prezidenttıŋ küzet qyzmetı men Respublikalyq ūlannyŋ bırıguı negızınde Memlekettık küzet qyzmetı qūryldy.
Qazaqstan Respublikasy Memlekettık küzet qyzmetı qūrylǧan künınen bastap küzetıletın tūlǧalardyŋ qauıpsızdıgın jäne nysandardyŋ qorǧanysyn qamtamasyz etudegı arnaiy jauyngerlık organ retınde körsetılgen baǧdarlama aiasynda qoiylǧan mındetterdı ıske asyruda jaǧaşa damu baǧytyn ūstandy.
Jalpy būl qyzmettıŋ ırgetasy 1992 jyly qalanyp, Elbasynyŋ Qaulysymen Prezidenttıŋ küzet qyzmetı qūrylyp, onyŋ alǧaşqy basşysy retınde general-maior Sergei Sinisin taǧaiyndalǧan. Prezidenttıŋ küzet qyzmetın är kezeŋde maitalman äskeriler general-polkovnik Sät Toqpaqbaev, general-leitenant Bolat Baekenov, general-leitenant Amangeldı Şabdarbaev, general-leitenant Mūhtar Aiubaev jäne general-maior Änuar Sadyqūlov basqardy. Al Respublikalyq ūlanǧa är jyldary general-maior Seiılbek Altynbekov, general-maior Tölegen Ümbetbaev, ädılet general-maiory Bolat Ysqaqov, general-leitenant Bolat Janasaev, general-leitenant Abai Tasbolatov, general-leitenant Mūhtar Aiubaev qolbasşylyq jasady.
Memlekettıŋ joǧary basşylyǧynyŋ qauıpsızdıgın qamtamasyz etude ölşeusız täjıribe jinaqtaǧan qyzmettıŋ basty missiiasy – Prezident qyzmetınıŋ üzdıksız jäne qauıpsız jürgızu jüiesın qūru jolymen memlekettıŋ ūlttyq qauıpsızdıgın nyǧaituǧa qatysu boldy. Būl būljymaityn mındet abyroimen atqaryldy.
Küzetıletın tūlǧalardyŋ qauıpsızdıgın qamtamasyz etudıŋ özındık jüiesın jasaqtaǧan bedeldı äskeri qūrylym bolyp esepteletın Qyzmet özınıŋ orny men tiımdılıgın odan ärı arttyra berdı. Oǧan sebep – küzetıletın tūlǧalardyŋ qauıpsızdıgın qamtamasyz etudegı küş-qūraldardyŋ bırıguı, iaǧni, arnaiy maqsattaǧy erekşe äskeri qūrylym esebındegı arnaiy qyzmet pen jauyngerlık küşke ie Respublikalyq ūlan qyzmetınıŋ bır arnaǧa toǧysuy. Būl öz kezegınde quatty jauyngerlık qabıletı bar qūrylymnyŋ düniege keluıne yqpal ettı.
Qalyptasu joldarynan ötken Memlekettık küzet qyzmetı normativtık bazany jasaqtau boiynşa öz qyzmetın jetıldırıp, «Memlekettık küzet qyzmetı turaly» Zaŋ men Erejenıŋ qabyldanuyna qol jetkızdı. Osynyŋ arqasynda «Qazaqstan Respublikasy Memlekettık küzet qyzmetı turaly» Zaŋyndaǧy jaŋalyqtar Qyzmettıŋ arnaiy memlekettık organ retındegı märtebesın bekıtıp, küzetıletın tūlǧalardy qamtamasyz etuge qatysty bırqatar ūiymdastyru mäselesındegı negızgı mındetterdı, sondai-aq, Memlekettık küzet qyzmetı qyzmetkerlerıne berıletın qūqyqtardy aiqyndauǧa negız boldy.
2014 jylǧy 1 jeltoqsan – Memlekettık küzet qyzmetı üşın märtebelı ärı tarihi kün bolyp sanalady. Osy künı Elbasy Memlekettık küzet qyzmetınıŋ Tuy men «Aibyn» jäne «Batyr» Prezidenttık polkterınıŋ jauyngerlık şarttaryn tabystady.
Memlekettık küzet qyzmetınıŋ Tuyn Qaruly Küşterdıŋ Joǧarǧy Bas qolbasşysynyŋ qolynan Memlekettık küzet qyzmetınıŋ bırınşı basşysy general-maior Amantai Küreŋbekov qabyldap aldy.
Memlekettık küzet qyzmetın damytudyŋ taŋdalǧan baǧyty bügınde būl qabyldanǧan şeşımnıŋ dūrys bolǧanyn däleldep otyr. Küzetıletın tūlǧalar men nysandardyŋ qauıpsızdıgın qamtamasyz etu şaralaryn jüzege asyratyn Qyzmet sarbazdarynyŋ qūqyqtyq qorǧaluyn jetıldırudıŋ arqasynda būl baǧyttaǧy ūiym qyzmetınıŋ sapaly jüruıne kedergı keltırıp kelgen zaŋnamalyq mäseleler öz şeşımın tapty.
Osy jaǧdailar negızgı qaita qūru prosesınıŋ aiaqtalyp, Memlekettık küzet qyzmetı basşylyǧynyŋ «2050» Strategiiasynyŋ şeŋberınde alǧa qoiylǧan mındetterdı sättı jüzege asyru maqsatyndaǧy basym baǧyttardy aiqyndauyna mümkındık berıp otyr.
Küzetıletın tūlǧalardyŋ qauıpsızdıgın qamtamasyz etu jönındegı belgılengen talaptardy tiımdı ıske asyru üşın barlyq jauyngerlık mındetterdı oryndauǧa jaǧdai jasau baǧytyndaǧy ūiymdastyru jäne täjıribelık ıs-şaralar keşenı jüzege asyryldy.
Qyzmet barysynda kezdesetın aiqyn ärı boljaldy qauıp-qaterlerdı, küzet jäne nysandardy küzetu boiynşa joǧary talaptar eskerıle otyryp, Respublikalyq ūlannyŋ bazasyndaǧy Prezidenttık polktıŋ rölı küşeitıldı. Būl Memlekettık küzet qyzmetınıŋ negızgı mındetterıne orai jüzege asyryldy. Diversiialyq jäne terroristık aktılerge qarsy ıs-qimyl, aldyn ala tergeu qyzmetı, kinologiia, psihologiialyq qamtamasyz etu jäne özge de baǧyttaǧy bölınıster damudyŋ jaŋa satysyna köterıldı. Osy qatarda medisinalyq qauıpsızdık, ekologiialyq, radiasiialyq-himiialyq jäne biologiialyq qorǧau jüiesı de bar.
Sonymen qatar Qyzmet basşylyǧy qaita qarulandyru jäne metarialdyq-tehnikalyq qamtamasyz etu baǧdarlamalaryn jüzege asyru ısıne erekşe nazar audaryp otyr. Jaŋa kiım ülgısı, qosymşa merzımdık kiım türlerı engızıldı. Jetekşı älemdık öndıruşılerden joǧary sanatty qaru, tehnikalyq jäne arnaiy qūraldar alynuda.
Memlekettık küzet qyzmetı janynan jaqynda qūrylǧan Jauyngerlık jäne arnaiy daiarlyq departamentınde qyzmetkerlerdıŋ käsıbi bılıktılıgın arttyru şaralary tūraqty jürgızılude. Sonymen bırge, qyzmetkerler bedeldı şeteldık oqu ortalyqtaryna arnaiy daiyndyqtarǧa jıberılıp otyrady. Qyzmettıŋ Oqu ortalyǧynda Qazaqstan Respublikasy Qaruly Küşterınıŋ qyzmetkerlerı men äskeri qyzmetşılerınıŋ, özge de äskeri jäne äskeri qūralymdardyŋ, qūqyq qorǧau jäne arnaiy memlekettık organdar qyzmetkerlerınıŋ qauıpsızdıgın qamtamasyz etu baǧytynda daiarlyq jäne qaita daiyndyq jürgızıledı. Sarbazdar taktikalyq ıs-qimyldarymen oq atudyŋ ädıstemelık jattyǧularyn Qyzmettıŋ jeke qaramaǧyndaǧy «Mailan» poligonynda şyŋdai tüsedı. Äskeri qyzmetşılerdıŋ fizikalyq daiarlyǧyna asa maŋyz berıledı. Sport şaralaryn ötkızu jäne jarystarǧa qatysu dästürge ainalyp otyr. Qyzmet qūramynda 18 halyqaralyq därejedegı sport şeberı, 200-den astam sport şeberı abyroily qyzmet etıp jür.
Memlekettık küzet qyzmetınıŋ sarbazy üşın abyroily jetıstık – «Qara beret» iegerı atanu. Osy qūrmettı ataq üşın är qyzmetker aianbai ter tögedı.
Memlekettık küzet qyzmetınıŋ kadr jūmysyna asa maŋyz berılıp otyr. Būl öz kezegınde jeke qūramdy joǧary käsıbi mamandardan jasaqtauǧa, kadrlyq saiasatty aşyq jürgızu qaǧidasyn ıske asyruǧa, eŋ bastysy, qyzmettık-jauyngerlık qyzmettıŋ tiımdılıgın arttyruǧa jol aşady.
Qyzmetkerlerdıŋ äleumettık qamtamasyz etıluın damytu şeŋberınde tūrǧyn üi mäselesın şeşu, qyzmetkerlerdı jäne olardyŋ otbasyna medisinalyq qyzmet körsetu şaralary jüielı negızde jürgızılude. Būl şaralardyŋ barlyǧy osyndaǧy medisinalyq mekemenıŋ bazasynda jüzege asyrylady. Sonymen qatar sanatoriilık-kurorttyq em alu qyzmetı de ūsynylady.
Kadrlyq äleuettı qalyptastyruda aǧa buyn ökılderıne, iaǧni, zapasqa şyqqan ardager mamandardyŋ täjıribesıne jügınu dästürı qalyptasqan. Osy rette «MKQ Ardagerler Odaǧy» qoǧamdyq bırlestıgı qūrylyp, taǧylymdyq şaralar atqaruda. Memleket basşysy Qyzmet ardagerlerınıŋ eleulı orny jönınde aitqan sözınde: «Qyzmet ardagerlerın erekşe atap ötkım keledı, olardyŋ arqasynda sızderdıŋ vedomstvolaryŋyzdyŋ maŋyzdy käsıbi dästürlerı saqtalyp, jas qyzmetkerlerge ülgı bolady» degen bolatyn.
Memlekettık küzet qyzmetınıŋ jan-jaqtylyǧy osyndaǧy Prezident orkestrı muzykalyq ūjymynyŋ şyǧarmaşylyq jūmysynan da körınedı. Atalmyş ūjym otandastarymyzdy äskeri-patriottyq tärbieleuge, Otan qorǧauşysynyŋ beinesın qalyptastyruǧa belsendı qatysyp jür. Elımızde, sondai-aq, şet elderdıŋ basty alaŋdarynda ūiymdastyrylatyn Qūrmettı qarauyl rotasy jäne Prezident orkestrınıŋ dästürlı plas-konsertterı sonyŋ aiǧaǧy. Osy oraida 2014 jyldyŋ qyrküiek aiynda Mäskeudegı Qyzyl alaŋda ötken «Spasskaia başnia» äskeri-muzykalyq festivalınde qol jetkızgen jetıstıgın atap aituǧa bolady. Prezident orkestrı men Qūrmettı qarauyl rotasynyŋ Qyzyl alaŋǧa saltanatty şyǧuy «Abylai han» atty arnaiy tuyndymen süiemeldendı. Orkestr konsertıne Resei, AQŞ, Ūlybritaniia, İtaliia, Türkiia, Avstriia, Egipet, Belgiia, Malaiziia, Ündıstan, Bahrein jäne basqa da elderdıŋ körermenderı qoşemet bıldırdı.
Memlekettık küzet qyzmetınıŋ «Aibyn» jäne «Batyr» Prezidenttık polkterınıŋ äskeri qyzmetkerlerı Qazaqstan Respublikasy Prezidentınıŋ qatysuymen ötetın hattamalyq ıs-şaralardy, şetel basşylarymen kezdesu jäne şyǧaryp salu räsımderın jäne basqa da memlekettık maŋyzy bar ıs-şaralardy qamtamasyz etu sekıldı maŋyzdy mındetterdı abyroimen atqaryp keledı.
Tüiındep aitqanda, Memlekettık küzet qyzmetınıŋ sardarlary men sarbazdary özderıne jüktelgen märtebelı mındettı mültıksız atqaryp, elımızdegı äskeri qūrylymdardyŋ aldyŋǧy şebınen körınıp otyr.
Ǧalym QOJABEKOV
