Basty aqparat

«Adaldyq alaŋy» aşyqtyqqa şaqyrady

Keşe Jemqorlyqqa qarsy küres agenttıgı men elordalyq äkımdıktıŋ «Astana – adaldyq alaŋy» atty bırlesken jobasyn talqylau maqsatynda qala basşysy Altai Kölgınov pen atalmyş agenttık töraǧasy Alik Şpekbaev bırqatar ūiym ökılderımen kezdesu ötkızdı.

 Jiynda söz alǧan elorda äkımı Altai ­Kölgınov «Astana – adaldyq alaŋy» aiasynda atqarylyp jatqan jūmystardyŋ maŋyzyna toqtaldy:
– Bügınde Nūr-Sūltandaǧy ekı audannyŋ, atap aitsaq, Esıl jäne Saryarqa audanynyŋ äkımdıkterı open-office formatynda jūmys ısteidı. Iаǧni äkımdıkke talap-tılegın arqalap keluşı tūrǧyndardy biurokratiia būrynǧydai aiaqtan şalmaidy, kerısınşe olardyŋ mūŋ-mūqtajyn barynşa tez arada şeşıp beruge tyrysady. Osylaişa Memleket basşysynyŋ tapsyrmasymen «qūlaǧy türık memleket» prinsipın täjıribede paidalanyp kelemız, – dedı şahar basşysy.
Būdan keiın Altai Kölgınov joǧaryda atalǧan jobanyŋ taǧy bır jetıstıgı – iQala ortalyǧyn da mysalǧa keltırdı. Onyŋ aituynşa, būdan erterek uaqyttary elordalyqtar jaryq, su nemese jyluǧa qosylu üşın ärbır monopoliske baryp, uaqyty men aqşasyn şyǧyndaityn edı. Al qazır būl şaruanyŋ barlyǧyn iQala ortalyǧynda nemese saitta bır ǧana ötınış tastau arqyly bıtıruge bolady. Bügıngı taŋda ortalyq 92 qyzmet türın ūsynady, al qaraşa aiynyŋ soŋyna deiın taǧy 47 qyzmet qosylady dep josparlanuda.
Qalalyq aksellerator jobasyn da aitpai ketuge bolmas. Onyŋ aiasynda şūǧyl merzım ışınde qala tırşılıgındegı tüitkılder boiynşa arnaiy jūmys toptary qūrylyp, mäselenı şeşu üşın şaralar atqarylady. Bügınde elordalyq aksellerator üş baǧytta jūmys ısteude. Onyŋ bırınşısı — elektrondy PİK mäselesı. Jalpy mūny jergılıktı özın özı basqaru instituty desek bolady. Jūmysbasty adamdar artyq uaqyttaryn şyǧyndamai, elektrondy qyzmettıŋ osy türın paidalana alady. Sondai-aq sanitarlyq tazalau jäne qoǧamdyq kölık te aksellerator taqyryptarynyŋ bırı bolyp otyr. Onyŋ qūramyna kez kelgen belsendı tūrǧyn müşe bola alatynyn atap ötkım keledı, – dedı äkım öz sözınde.
Qoǧamnyŋ sifrlanuy da – halyqtyŋ jaily ärı yŋǧaily tūrmysy üşın öte kerek. Mysaly, būrynyraq elorda emhanalarynda jandy kezek edı. Ondaida ışındegı pysyqai bıreulerı bırınşı bolyp kırıp ketıp, soŋynan kezekte tūrǧan özgelerı bır-bırımen ūrsysyp, yŋǧaisyz jaǧdailar tuatyn. Qazır endı elektrondy kezek jüiesı engızılgennen keiın ötken joly №2 emhanaǧa bas sūqsam, bärı tamaşa. Eşqandai u-şusyz adamdar öz talondary boiynşa kezek kütıp otyr.
Öz kezegınde Jemqorlyqqa qarsy küres agenttıgınıŋ töraǧasy Alik Şpekbaev «Adaldyq alaŋy» jobasynyŋ arqasynda adaldyq dükenderınıŋ aşyluy, satuşysyz kassalardyŋ ornatyluy tärızdı igı bastamalardyŋ qoǧam arasynda qoldau tapqanyn jetkızdı.
Jobanyŋ jemıstı nätijelerınıŋ bırı retınde Nūr-Sūltan qalasy biudjetınıŋ interaktivtı kartasyn da aituǧa bolady. Būl jaily «Astana – adaldyq alaŋy» jobasynyŋ kuratory, qala äkımınıŋ orynbasary Baqtiiar Mäken:
– Saitta qala biudjetınen barlyq memlekettık qyzmet salasyna bölınetın qarjynyŋ paidalanyluy aşyq körsetıledı. Sebebı halyqty qai salaǧa qanşa qarajat bölınıp jäne onyŋ qalaişa jūmsalyp jatqany qyzyqtyrady. Barlyǧy aşyq bolǧanda, tūrǧyndardyŋ da artyq sūraǧy bolmaidy. Äzırşe tüsıp jatqan saualdardyŋ köbı qaladaǧy betı aşyq kärız qūdyqtary turaly. Qoǧam belsendılerınıŋ bırlesıp jūmys ısteuınıŋ arqasynda būl mäsele öz şeşımın tapty, – dep tüsındırdı.
Sondai-aq äkım orynbasary joba aiasynda elorda mektepterındegı äkımşılık oryndardyŋ oŋtailandyrylǧanyn aitty.
«Qazır qaladaǧy 85 bılım ordasynyŋ 67-de äkımşılık orny oŋtailandy. Mektep direktorynyŋ bölmesı bırınşı qabatqa köşırıldı. Bır jaǧynan, būl ata-analarǧa da yŋǧaily boldy. Al bosaǧan kabinet oquşylarǧa qosymşa sabaq ötkızuge berıldı. Endı qalǧan 18 mektep te däl osylai oŋtailanady» dedı ol.
Sondai-aq jiynda bılım beru, ekologiia jäne t.b. salalardaǧy jaŋa jobalardy ıske asyru jönınde qoǧamdyq ūiymdardyŋ ökılderı söz söiledı.

Taǧyda

Ūqsas jaŋalyqtar

Pıkır üsteu

Back to top button